କୋଲକାତା, ୧୫।୮ (ପି.ଟି.)- ଏଠାରେ ଚାଲିଥିବା ସମ୍ମାନଜନକ ଡୁରାଣ୍ଡ କପ୍ର ୧୨୯ତମ ସଂସ୍କରଣରେ ବୁଧବାର ଅନୁଷ୍ଠିତ ୨ଟି ମ୍ୟାଚ୍ରେ ଗୋକୁଳମ୍ କେରଳା ଓ ଏଫ୍ସି ଗୋଆ ବିଜୟୀ ହୋଇଛନ୍ତି। ହାଓ୍ବାଡାଠରେ ଅନୁଷ୍ଠିତ ମ୍ୟାଚ୍ରେ ତ୍ରିନିଦାଦ୍ ଆଣ୍ଡ୍ ଟବାଗୋ ଷ୍ଟ୍ରାଇକର ମାର୍କସ ଜୋସେଫ୍ଙ୍କ ଡବଲ୍ ଗୋଲସ୍କୋର ବଳରେ ଗୋକୁଳମ୍ ୩-୦ ଗୋଲରେ ଇଣ୍ଡିଆନ୍ ଏୟାରଫୋର୍ସକୁ ପରାସ୍ତ କରିଛି। ଜୋସେଫ୍ ଏଥିପୂର୍ବରୁ ଚେନ୍ନାଇନ୍ ଏଫ୍ସି ବିପକ୍ଷରେ ହ୍ୟାଟ୍ରିକ ଗୋଲସ୍କୋର କରିଥିଲେ। ଲଗାତର ୨ଟି ବିଜୟ ସହ ଗୋକୁଳମ୍ ଗ୍ରୁପ୍-ଡି’ରେ ଶୀର୍ଷ ସ୍ଥାନ ବଜାୟ ରଖିବା ସହ ସେମିଫାଇନାଲ ଆଶା ଉଜ୍ଜିବୀତ ରଖିଛି। ଆସନ୍ତା ୧୮ରେ କେରଳା ମଣିପୁର ଦଳ ଟିଆଏୟୁ ଏଫ୍କୁ ଭେଟିବ। ଏହି ମ୍ୟାଚ୍କୁ ଅତିକମ୍ରେ ଡ୍ର’ ରଖିଲେ କେରଳା ସେମିଫାଇନାଲ ଟିକେଟ୍ ହାସଲ କରିବ। ସେହିଭଳି ଅନ୍ୟ ଏକ ମ୍ୟାଚ୍ରେ ଏଫ୍ସି ଗୋଆ ୨-୧ ଗୋଲରେ ଚେନ୍ନାଇନ ସିଟି ଏଫ୍ସିକୁ ହରାଇ ଦେଇଛି। ଏହି ବିଜୟ ସହ ଗ୍ରୁପ୍-ସି’ରେ ଗୋଆ ଓ ରିଅଲ୍ କଶ୍ମୀର ଉଭୟ ୬ ପଏଣ୍ଟ ଲେଖାଏ ପାଇ ଶୀର୍ଷରେ ରହିଛନ୍ତି। ଅଗଷ୍ଟ ୧୭ରେ ଉଭୟ ଦଳ ପରସ୍ପରକୁ ଭେଟିବେ। ଏହି ମ୍ୟାଚ୍ରେ ଯିଏ ବିଜୟ ଲାଭ କରିବ ସେହି ଦଳ ସେମିଫାଇନାଲକୁ ଟିକେଟ୍ ହାସଲ କରିବ।