ନୂଆଦିଲ୍ଲୀ,୧୪-୭: ଡେବିଟ କାର୍ଡ ବ୍ୟବହାର ମାର୍ଚ୍ଚରୁ ମେ’ ମଧ୍ୟରେ ୧୦ ପ୍ରତିଶତ ଅର୍ଥାତ ୧୦ କୋଟି ହ୍ରାସ ପାଇଥିବା ଦେଖାଯାଇଛି। ଏବେ ଏହି କାର୍ଡ ସଂଖ୍ୟା ୯୨.୪ କୋଟିରୁ ହ୍ରାସ ପାଇ ୮୨.୪ କୋଟିରେ ପହଞ୍ଚତ୍ଛି। ଅଧିକାଂଶ ବ୍ୟାଙ୍କ ମ୍ୟାଗ୍ନେଟିକ ଷ୍ଟ୍ରିପ୍ କାର୍ଡ ବଦଳରେ ଚିପ୍ ଲାଗିଥିବା କାର୍ଡ ବ୍ୟବହାର କରିବା ଆରମ୍ଭ କରିଦେବା ଏହାର ମୁଖ୍ୟ କାରଣ କୁହାଯାଉଛି। ତେବେ ଆଲୋଚ୍ୟ ସମୟରେ ଡେବିଟ କାର୍ଡର ଠିକ୍ ଓଲଟା କ୍ରେଡିଟ କାର୍ଡ ସଂଖ୍ୟା ବୃଦ୍ଧି ପାଇଥିବା ଦେଖାଯାଇଛି। ଉକ୍ତ ଅବଧିରେ କ୍ରେଡିଟ କାର୍ଡ ସଂଖ୍ୟା ୧୦ ଲକ୍ଷ ବୃଦ୍ଧି ପାଇ ୫ କୋଟିରେ ପହଞ୍ଚତ୍ୟାଇଛି। ବର୍ଷକୁ ବର୍ଷ ଆଧାରରେ ମେ’ରେ କ୍ରେଡିଟ କାର୍ଡ ସଂଖ୍ୟା ୩.୮୬ କୋଟିରୁ ବୃଦ୍ଧି ପାଇ ୪.୮୯ କୋଟିରେ ପହଞ୍ଚତ୍ୟାଇଛି। ଆର୍ବିଆଇ ତଥ୍ୟ ଅନୁଯାୟୀ, ଏଚ୍ଡିଏଫ୍ସି ବ୍ୟାଙ୍କ ପକ୍ଷରୁ ସର୍ବାଧିକ ୧.୨୬ କ୍ରେଡିଟ କାର୍ଡ ଜାରି କରାଯାଇଛି। ଏହାପରେ ଏସ୍ବିଆଇ ୮୭ ଲକ୍ଷ, ଆକ୍ସିସ୍ ବ୍ୟାଙ୍କ ପକ୍ଷରୁ ୬୨ ଲକ୍ଷ କ୍ରେଡିଟ କାର୍ଡ ଜାରି କରାଯାଇଛି। ଡେବିଟ କାର୍ଡ ହ୍ରାସ ଦୃଷ୍ଟିରୁ ଦେଖିଲେ ପଞ୍ଜାବ ନ୍ୟାଶନାଲ ବ୍ୟାଙ୍କ ସର୍ବାଧିକ କ୍ଷତିଗ୍ରସ୍ତ ହୋଇଛି। ଏହାର ୫.୨ କୋଟି କାର୍ଡ ହ୍ରାସ ପାଇଛି। ଏହା ପଛକୁ ରହିଛି ବ୍ୟାଙ୍କ ଅଫ୍ ଇଣ୍ଡିଆ ଓ ଏସ୍ବିଆଇ, ଯାହାଙ୍କ ଡେବିଟ କାର୍ଡ ସଂଖ୍ୟା ଯଥାକ୍ରମେ ୨.୨ କୋଟି ଏବଂ ୧.୯ କୋଟି ହ୍ରାସ ପାଇଛି।