ଭଟ୍ଲି, ୨୮।୧୦(ଡି.ଏନ୍.ଏ.): ବିଗତ ୩ ଦିନ ହେବ ହାତୀଙ୍କୁ ନେଇ ଭୟରେ ଥିବା ବରଗଡ଼ ଜିଲାର ଚାଷୀମାନେ ରବିବାରଠାରୁ ସାମାନ୍ୟ ଆଶ୍ୱସ୍ତିଲାଭ କରିଛନ୍ତି। ଛତିଶଗଡ଼ ରାଜ୍ୟ ଅନ୍ତର୍ଗତ ଭଟ୍ଲି ନିକଟସ୍ଥ ବାରପାହାଡ଼ ଜଙ୍ଗଲ ଅଭିମୁଖେ ଚାଲିଆସିଥିବା ୨ଟି ବଣୁଆ ହାତୀ ଧାନ ଫସଲ ନଷ୍ଟ କରିଦେଇଥିଲେ। ଏଥିପାଇଁ ଚାଷୀମାନେ ଚିନ୍ତାରେ ଥିଲେ । ମାତ୍ର ବନବିଭାଗ ଉଦ୍ୟମରେ ଏହି ହାତୀ ଡେବ୍ରିଗଡ଼ ଅଭୟାରଣ୍ୟ ମଧ୍ୟକୁ ପଶିଯାଇଛନ୍ତି। ସେମାନେ ଯେପରି ପୁଣି ଅଭୟାରଣ୍ୟରୁ ବାହାରି ନ ଆସିବେ ସେଥିପ୍ରତି ଦୃଷ୍ଟିଦେବାକୁ ଚାଷୀମାନେ ବନବିଭାଗକୁ ଅନୁରୋଧ କରିଛନ୍ତି। ଏହି ହାତୀପଲ ପୂର୍ବରୁ ବାରପାହାଡ଼ ଜଙ୍ଗଲରେ ଥିଲେ, ମାତ୍ର ଗତବର୍ଷ ସେମାନେ ଛତିଶଗଡ଼ ଜଙ୍ଗଲକୁ ଚାଲିଯାଇଥିଲେ। ତେବେ ବର୍ଷେ ପରେ ପୁଣି ଫେରିଥିବାରୁ ଏବଂ ବର୍ତ୍ତମାନ ଧାନ ପାକଳ ସମୟ ହୋଇଥିବାରୁ ଚାଷୀମାନେ ଚିନ୍ତାରେ ରହିଛନ୍ତି।