ପ୍ୟାରିସ, ୨୮ା୧ (ଏଏଫ୍ପି)- ମାୟାମିଠାରେ ପୂର୍ବତନ ୟୁଏସ୍ ଓପନ ଚାମ୍ପିୟନ ଜୁଆନ ମାର୍ଟିନ ଡେଲ୍ ପୋଟ୍ରୋଙ୍କ ଡାହାଣ ଆଣ୍ଠୁରେ ସୋମବାର ଆସ୍ତ୍ରୋପଚାର ହୋଇଛି। ଆର୍ଜେଣ୍ଟିନାର ଏହି ଖେଳାଳି ୨୦୧୯ରୁ ଖେଳରୁ ଦୂରେଇ ରହିଥିଲେ। ଡାହାଣ ଆଣ୍ଠୁରେ ଡେଲ୍ ପୋଟ୍ରୋଙ୍କର ଏହା ହେଉଛି ଦ୍ୱିତୀୟ ଅସ୍ତ୍ରୋପଚାର। ଗତବର୍ଷ ଜୁନ୍ରେ କୁଇନ୍ସଠାରେ ତାଙ୍କ ଡାହାଣ ଆଣ୍ଠୁ କ୍ୟାପ୍ରେ ଫ୍ରାକଚର ହୋଇଥିଲା। ସେହିମାସରେ ବାର୍ସିଲୋନାଠାରେ ତାଙ୍କର ପ୍ରଥମ ଆସ୍ତ୍ରୋପଚାର ହୋଇଥିଲା। ପୂର୍ବତନ ବିଶ୍ୱର ନମ୍ବର ୩ ଖେଳାଳି ଅକ୍ଟୋବରରେ ଏଟିପି କୋର୍ଟକୁ ଫେରିବା ଯୋଜନା କରିଥିଲେ। ମାତ୍ର ଆଣ୍ଠୁରେ ଯନ୍ତ୍ରଣା ଅନୁଭବ କରିବାରୁ ତାଙ୍କର ପୁନର୍ବାର ଅସ୍ତ୍ରୋପଚାରର ଆବଶ୍ୟକତା ପଡ଼ିଥିଲା। ଡେଲ୍ ପୋଟ୍ରୋ ୨୦୦୯ରେ ୟୁଏସ ଓପନ ଏବଂ ୨୦୧୬ ରିଓ ଅଲିମ୍ପିକ୍ସରେ ରୌପ୍ୟ ଜିତିଥିଲେ। ଆଘାତଜନିତ ସମସ୍ୟା ତାଙ୍କ କ୍ୟାରିୟରରେ ବାରମ୍ବାର ବାଧା ଦେଇ ଆସୁଛି। କଚଟିରେ ବାରମ୍ବାର ସମସ୍ୟା ଦେଖାଦେବାରୁ ଏଥିରେ ତାଙ୍କର ୩ ଥର ଅସ୍ତ୍ରୋପଚାର ସରିଛି।