ପୁଣେ: ମହାରାଷ୍ଟ୍ରର ଜଣେ ମହିଳା ପୁଣେରୁ ପ୍ରାୟ ୧୫୦ କିମି ଦୂର ମୁମ୍ବାଇ ଯିବା ପାଇଁ ଉବର ବୁକ୍ କରିଥିଲେ। କିନ୍ତୁ ରାସ୍ତାରେ ଡ୍ରାଇଭରଙ୍କୁ ନିଦ ଆସିଯିବାରୁ ବାଧ୍ୟ ହୋଇ ସେ ଷ୍ଟିୟରିଂ ସମ୍ଭାଳି ମୁମ୍ବାଇରେ ପହଞ୍ଚିଥିଲେ। ଏହି ଘଟଣା ୨୪ ଫେବୃୟାରୀରେ ଘଟିଥିଲା। ମାତ୍ର ଏବେ ସାମ୍ନାକୁ ଆସିଛି। ୨୮ ବର୍ଷୀୟ ତେଜସ୍ବିନୀ ଦିବ୍ୟା ଏହାର ଫଟୋ ସୋସିିଆଲ ମିଡିଆରେ ଶେୟାର କରିବାରୁ ଏହା ଜଣାପଡ଼ିଛି। ଫଟୋ ଜରିଆରେ ଜେଜସ୍ବିନୀ ଉବର କମ୍ପାନୀ ଡ୍ରାଇଭରଙ୍କ ନାମରେ ଅଭିଯୋଗ ମଧ୍ୟ କରିଛନ୍ତି।
ଦିବ୍ୟା କୁହନ୍ତି, ପୁଣେରୁ ଅନ୍ଧାରୀ(ମୁମ୍ବାଇ) ପାଇଁ ସେ ଉବର ବୁକ୍ କରିଥିଲେ। ଆରମ୍ଭରୁ ଡ୍ରାଇଭର ଲଗାତର ଫୋନ୍ରେ କଥା ହେବା ସହ ବାଟ ସାରା ଗାଡ଼ି ଅଟକାଉଥିଲେ। ସେ ଡ୍ରାଇଭରଙ୍କୁ ଫୋନ୍ରେ ନ ହେବାକୁ ଅନୁରୋଧ କରିଥିଲେ। ଏହା ପରେ ଡ୍ରାଇଭର ଫୋନ୍ ରଖି ଦେଇଥିଲେ ସତ ମାତ୍ର ଶୋଇ ପଡ଼ିଥିଲେ। ଏପରିକି ଏକ ବଡ଼ ଦୁର୍ଘଟଣାରୁ ମଧ୍ୟ ବର୍ତ୍ତିଥିଲେ। ଦିବ୍ୟା ବାଧ୍ୟ ହୋଇ ଡ୍ରାଇଭରଙ୍କୁ କହିଥିଲେ ଶୋଇବାର ଅଛି ତ କିଛି ବାଟ ମୁଁ ଗାଡ଼ି ଚଳାଇ ନେଇଯିବି। ପ୍ରଥମେ ସେ ମନା କରୁଥିଲେ। ମାତ୍ର ପରେ ରାଜି ହେବାରୁ ଦିବ୍ୟା ଷ୍ଟିୟରିଂ ସମ୍ଭାଳିଥିଲେ।
ଅନ୍ୟପକ୍ଷରେ ଅଭିଯୋଗ ପରେ ଡ୍ରାଇଭରଙ୍କୁ କମ୍ପାନୀ କର୍ତ୍ତୃପକ୍ଷ ନିଲମ୍ବନ କରିଛନ୍ତି। ତେଜସ୍ବିନୀ ଜଣେ ଲେଖିକା ଏବଂ ଫିଲ୍ମ ପାଇଁ ସେ କାହାଣୀ ମଧ୍ୟ ଲେଖନ୍ତି।।