ୱାଶିଂଟନ,୮ ।୧୦: ଦକ୍ଷିଣ ଚାଇନା ସାଗରରେ ଆମେରିକା ଓ ଚାଇନା ମଧ୍ୟରେ ଉତ୍ତେଜନା ପରିସ୍ଥିତି ବେଳକୁ ବେଳ ବଢିବାରେ ଲାଗିଛି । ଅନ୍ୟପଟେ ତାଇୱାନ ମାମଲାରେ ମଧ୍ୟ ଦୁଇ ଦେଶ ଆକ୍ରମଣାତ୍ମକ ଢଙ୍ଗିରେ ମୁହାଁମୁହିଁ ହୋଇଥିଲେ । ଇତିମଧ୍ୟରେ ଦକ୍ଷିଣ ଚାଇନା ସାଗରରେ ଚାଇନା ଆମେରିକାର ପରମାଣୁ ଜାହାଜ ଉପରେ ଆକ୍ରମଣ କରିଛି । ହେଲେ ଏହି ଆକ୍ରମଣ କାହା ଉପରେ କରାଯାଇଛି ଆଉ କିଏ କରିଛି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଆମେରିକା ଅଧିକାରୀଙ୍କ କହିବା କଥା ହେଲା ବୁଡାଜାହଜ ଏକ ଅଜଣା ବସ୍ତୁ ସହ ଧକ୍କା ଖାଇଛି ଏଥିରେ କୌଣସି କ୍ଷତି ହୋଇନାହିଁ । ଜାହାଜଟି ଅପରେଶନ ସ୍ଥିତିରେ ରହିଛି । ସୂଚନା ଯୋଗ୍ୟ, ପ୍ରାୟ ୫ ଦିନ ଆଗରୁ ଏହି ଘଟଣା ଘଟିଥିଲେ ବି ସୁରକ୍ଷା ଦୃଷ୍ଟିରୁ ଏହାକୁ ସାର୍ବଜନିନ କରାଯାଇ ନ ଥିଲା ।