ଭୁବନେଶ୍ୱର,୧୭।୫(ବ୍ୟୁରୋ): ରାଜ୍ୟରେ କରୋନା ମୃତ୍ୟୁ ସଂଖ୍ୟା ୫ ନୁହେଁ ବରଂ ୪। ଏନେଇ ରବିବାର ଅପରାହ୍ନରେ ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି। ଆଜି ଘୋଷିତ ୨ ମୃତକଙ୍କ ମଧ୍ୟରୁ ଜଣଙ୍କର ମୃତ୍ୟୁ କରୋନାରେ ହୋଇନାହିଁ। କୋଭିଡ ପରୀକ୍ଷାରୁ ଜଣେ ମୃତକଙ୍କ ନମୁନା ନେଗେଟିଭ୍ ଆସିଛି। ପୂର୍ବରୁ ଗଞ୍ଜାମରେ ୨ଜଣଙ୍କ କରୋନାରେ ମୃତ୍ୟୁ ହୋଇଥିବା ନେଇ ବିଭାଗ ପକ୍ଷରୁ କୁହାଯାଇଥିଲା।
ପ୍ରକାଶ ଯେ, ରାଜ୍ୟରେ ୯୧ଜଣ ନୂଆ ଆକ୍ରାନ୍ତ ମଧ୍ୟ ଚିହ୍ନଟ ହୋଇଥିଲେ। ଫଳରେ ମୋଟ ଆକ୍ରାନ୍ତ ସଂଖ୍ୟା ୮୨୮ ହୋଇଥିଲା। ସେଥିରୁ ୧୯୬ଜଣ ସୁସ୍ଥ ହୋଇ ଘରକୁ ଫେରିଛନ୍ତି ଏବଂ କରୋନାରେ ୫ଜଣଙ୍କ ମୃତ୍ୟୁ ଘଟିଥିବା ବିଭାଗ ପକ୍ଷରୁ ଦର୍ଶାଯାଇଥିଲା। ଏବେ ଏଥିରେ ସଂଶୋଧନ କରାଯାଇଛି। ଜଣେ ମୃତକ କୋଭିଡ ହସ୍ପିଟାଲ ଥିଲେ ହେଁ ତାଙ୍କର ନମୂନା ପରୀକ୍ଷଣ ପାଇଁ ପଠାଯାଇଥିଲା। ଆଜି ରିପୋର୍ଟ ଆସିବା ପରେ ଏହା ସ୍ପଷ୍ଟ ହୋଇଥିବା କୁହାଯାଇଛି। ତେବେ ଏବେ ରାଜ୍ୟରେ ୬୨୮ଜଣ ବିଭିନ୍ନ ଆକ୍ଟିଭ୍ କେସ୍ ରହିଛି।