ଦିଗପହଣ୍ଡି,୨୪ା୭(ଡି.ଏନ.ଏ.)-ଦିଗପହଣ୍ଡିସ୍ଥିତ ବିଜୁ ପଟ୍ଟନାୟକ ମହିଳା କଲେଜ ଇଂଲିଶ ଅଧ୍ୟାପକ ସୁଧୀରକାନ୍ତ ପଣ୍ଡା ଘରୋଇ ଟ୍ୟୁଶନ ପଢ଼ାଉଛନ୍ତି। ଯେଉଁ ଛାତ୍ରୀମାନେ ତାଙ୍କ ପାଖରେ ଟ୍ୟୁଶନ ପଢ଼ିବେ ନାହିଁ, ପରୀକ୍ଷାରେ ସେମାନଙ୍କ ମାର୍କ କମାଇଦେବେ ବୋଲି ଧମକ ଦେଉଥିବା ନେଇ ଓଡ଼ିଶା ବିଧାନସଭା ବାଚସ୍ପତି ତଥା ସ୍ଥାନୀୟ ବିଧାୟକ ସୂର୍ଯ୍ୟନାରାୟଣ ପାତ୍ର ଉଚ୍ଚଶିକ୍ଷା ମନ୍ତ୍ରୀଙ୍କୁ ଚିଠି ଦ୍ୱାରା ଜଣାଇଥିଲେ। ଅଭିଯୋଗ ପତ୍ରର ନକଲ ରାଜ୍ୟ ଉଚ୍ଚଶିକ୍ଷା ବିଭାଗ ସଚିବଙ୍କୁ ମଧ୍ୟ ସେ ପ୍ରଦାନ କରିଥିଲେ। ଉଚ୍ଚଶିକ୍ଷା ବିଭାଗର ଉପସଚିବ ପ୍ରାଣବନ୍ଧୁ ରାଉତ ଘଟଣାର ସବିଶେଷ ତଦନ୍ତ କରି ରିପୋର୍ଟ ଦେବାକୁ ବ୍ରହ୍ମପୁର ଉଚ୍ଚଶିକ୍ଷା ବିଭାଗ ଆଞ୍ଚଳିକ ନିର୍ଦ୍ଦେଶକଙ୍କୁ ନିର୍ଦ୍ଦେଶ ଦେଇଥିଲେ। ବ୍ରହ୍ମପୁରସ୍ଥିତ ଉଚ୍ଚଶିକ୍ଷା ବିଭାଗ ଆଞ୍ଚଳିକ ନିର୍ଦ୍ଦେଶକ ଲକ୍ଷ୍ମୀକାନ୍ତ ତ୍ରିପାଠୀ ମଙ୍ଗଳବାର ପୂର୍ବାହ୍ନରେ ଦିଗପହଣ୍ଡିରେ ପହଞ୍ଚତ୍ ବିଭିନ୍ନ ଘରୋଇ ଟ୍ୟୁଶନ ଉପରେ ଚଢ଼ାଉ କରିଥିଲେ। ଅଧ୍ୟାପକମାନେ ସେଠାକୁ ଆସୁଛନ୍ତି କି ନାହିଁ ସେ ସମ୍ପର୍କରେ ଟ୍ୟୁଶନ ପରିଚାଳକମାନଙ୍କୁ ପଚାରି ବୁଝିଥିଲେ।
ଉଚ୍ଚଶିକ୍ଷା ଆଞ୍ଚଳିକ ନିର୍ଦ୍ଦେଶକ ତ୍ରିପାଠୀ ଦିଗପହଣ୍ଡିରେ ପହଞ୍ଚତ୍ବା ପରେ ପ୍ରଥମେ ଅଭିଯୋଗ ଆସିଥିବା ଅଧ୍ୟାପକ ପଣ୍ଡାଙ୍କ ରାଣୀସାହିସ୍ଥିତ ବାସଭବନକୁ ଯାଇଥିଲେ। ସେ ସମୟରେ ଟ୍ୟୁଶନ ବନ୍ଦ ଥିଲା। ତେଣୁ ପଡ଼ୋଶୀମାନଙ୍କ ବୟାନ ରେକର୍ଡ କରିଥିଲେ। ପରେ ବିଜୁ ପଟ୍ଟନାୟକ ମହିଳା କଲେଜରେ ପହଞ୍ଚତ୍ ଯୁକ୍ତ ୨ କଲେଜ ଅଧ୍ୟକ୍ଷା ସସ୍ମିତା ପାଠୀଙ୍କ ଉପସ୍ଥିତିରେ ଅଭିଯୋଗ ଆସିଥିବା ଇଂଲିଶ ଅଧ୍ୟାପକଙ୍କ ବିଷୟରେ ପଚାରି ବୁଝିଥିଲେ। ଏପରିକି ଯୁକ୍ତ ୩ ଛାତ୍ରୀଙ୍କ ଶ୍ରେଣୀ ପ୍ରକୋଷ୍ଠକୁ ଯାଇ ଟ୍ୟୁଶନ ସମ୍ପର୍କରେ କେତେଜଣ ଛାତ୍ରୀଙ୍କ ବୟାନ ରେକର୍ଡ କରିଥିଲେ। ପ୍ରତିଦିନ ନିୟମାନୁସାରେ ପାଠ୍ୟକ୍ରମ ସରଣୀ ଅନୁଯାୟୀ ପାଠ ପଢ଼ାଇବାକୁ ଉଚ୍ଚଶିକ୍ଷା ବିଭାଗ ଆଞ୍ଚଳିକ ନିର୍ଦ୍ଦେଶକ ତ୍ରିପାଠୀ ଉପସ୍ଥିତ ଅଧ୍ୟାପିକା ଅଧ୍ୟାପକମାନଙ୍କୁ ତାଗିଦ କରିଥିଲେ। ପରେ ସେ ସାନଖେମୁଣ୍ଡି ବ୍ଲକ ପାଟପୁର ବିଶ୍ୱାସରାୟ କଲେଜରେ ପହଞ୍ଚତ୍ ଟ୍ୟୁଶନ କରୁଥିବା ଅଧ୍ୟାପିକା ଅଧ୍ୟାପକମାନଙ୍କୁ ତାଗିଦ କରିଥିଲେ। ଏପରିକି କିଛି ନିର୍ଦ୍ଦିଷ୍ଟ ଘରୋଇ ଟ୍ୟୁଶନ ପରିଚାଳକଙ୍କୁ ଡ଼କାଇ ସରକାରୀ ଅଧ୍ୟାପିକା ଅଧ୍ୟାପକଙ୍କ ସମ୍ପର୍କରେ ତଥ୍ୟ ସଂଗ୍ରହ କରି ଫେରିଛନ୍ତି।