ଭୁବନେଶ୍ୱର,୭-୧୧(ବ୍ୟୁରୋ): ପ୍ରମୁଖ ଜୁଏଲେରୀ ବ୍ରାଣ୍ଡ ତନିଷ୍କ ପକ୍ଷରୁ ଓ୍ବେଡିଂ ଅଫର ଘୋଷଣା କରାଯାଇଛି। ବିବାହ ସମୟରେ ଗହଣା କ୍ରୟକୁ ଅଧିକ ଆକର୍ଷଣୀୟ କରିବା ଦିଗରେ ଏଭଳି ପଦକ୍ଷେପ ଗ୍ରହଣ କରାଯାଇଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି। ସ୍ଥାନୀୟ ଚନ୍ଦ୍ରଶେଖରପୁରସ୍ଥିତ ତନିଷ୍କ ଶୋ’ରୁମଠାରେ ଏହି ଅଫରକୁ ଆରମ୍ଭ କରାଯାଇଛି। ଏଥିରେ ଗ୍ରାହକମାନେ ସୁନା ଗହଣା ଗଢା ମୂଲ୍ୟ ଉପରେ ୨୫% ପର୍ଯ୍ୟନ୍ତ ରିହାତି ଲାଭ କରିପାରିବେ। ନଭେମ୍ବର ପହିଲାରୁ ଆସନ୍ତା ମାସ ୧୫ ଯାଏ ଏହି ଅଫରର ଲାଭ ଗ୍ରାହକ ନେଇ ପାରିବେ। ଏହି ସମୟରେ କମ୍ପାନୀ ଅଧିକ ଡିଜାଇନର ଗହଣା ସହ ଶୁଦ୍ଧତା ପ୍ରଦାନ କରୁଛି। ଏହି ଅବସରରେ କମ୍ପାନୀ ରିଭା କଲେକ୍ସନ, ରିଭା ଡାଇମଣ୍ଡସ ବ୍ରାଇଡସ କଲେକ୍ସନ, ଅହଲ୍ୟା କଲେକ୍ସନ, ରେଡ କାର୍ପେଟ କଲେକ୍ସନ, ସ୍ବୟମ, ଉତ୍ସବ, ଲାବଣ୍ୟମ, ଗୁଲନାଜ, ପ୍ରୀନ ଏବଂ ଆଭିର ଭଳି ସ୍ବତନ୍ତ୍ର ଡିଜାଇନ ଗହଣା ପ୍ରଦାନ କରୁଛି। ଟାଇଟାନର ପ୍ରମାଣନ ଏବଂ ଟାଟା ଗ୍ରୁପ ଭରଷାର ପ୍ରତିଫଳନ ଗ୍ରାହକ ଏଠାରେ ଲାଭ କରିପାରିବେ। ଶୋ’ରୁମଗୁଡିକରେ ଷ୍ଟେଟ ଅଫ୍ ଆର୍ଟ କ୍ୟାରେଟ ମିଟର ସୁବିଧା, ୨୨ ଏବଂ ୧୮ କ୍ୟାରେଟ ଗହଣା, ୫ ହଜାରରୁ ଉର୍ଦ୍ଧ୍ୱ ପାରମ୍ପରିକ, ପାଶ୍ଚାତ୍ୟ ଓ ଫ୍ୟୁଜନ ଗହଣା ପ୍ରଦାନ କରାଯାଉଥିବା ତନିଷ୍କ ପକ୍ଷରୁ କୁହାଯାଇଛି। କାର୍ଯ୍ୟକ୍ରମ ଅବସରରେ ଶୋ’ରୁମ ଫ୍ରାଞ୍ଚାଇଜ ଓନର ମାନିକ ହଂସଙ୍କ ସମେତ କମ୍ପାନୀର ଅଧିକାରୀମାନେ ଉପସ୍ଥିତ ଥିଲେ।