ବଅଁରପାଳ,୧୩ା୬(ଡି.ଏନ୍.ଏ.): ଅନୁଗୋଳ ଜିଲା ବଅଁରପାଳ ବ୍ଲକ ଅନ୍ତର୍ଗତ ତଳମୂଳ ଓ ମହୀଧରପୁର ଅଞ୍ଚଳକୁ ବୁଧବାର ରାତିରୁ ୧୭ଟି ହାତୀ ପଳାଇ ଆସିଛନ୍ତି। ହାତୀପଲକୁ ଦେଖି ଅଞ୍ଚଳବାସୀ ଆତଙ୍କିତ ହୋଇପଡ଼ିଛନ୍ତି। ହାତୀପଲ ଲୋକଙ୍କ ବାଡ଼ି ବଗିଚାରେ ପଶି ବ୍ୟାପକ କ୍ଷତି ଘଟାଇଛନ୍ତି। ତଳମୂଳ ଗ୍ରାମର ଜଣେ ବ୍ୟକ୍ତିଙ୍କର ୩ଟି କଦଳୀ ବଗିଚା ହାତୀପଲ ନଷ୍ଟ କରିଥିବାବେଳେ ମହୀଧରପୁରର କେତେକ ଲୋକଙ୍କର ଆଖୁବଗିଚା ମଧ୍ୟ ନଷ୍ଟ କରି ଦେଇଛନ୍ତି। ହାତୀପଲକୁ ଘଉଡ଼ାଇବା ପାଇଁ ଲୋକେ ଉଦ୍ୟମ କରୁଛନ୍ତି।