ସିଂହପୁର,୨୫।୪: (ଡି.ଏନ.ଏ.) ବିଂଝାରପୁର ଥାନା, ବରୀ ବ୍ଲକ ଅଧୀନ ମଧୁସୁଦନପୁର ପଞ୍ଚାୟତ ସୁନ୍ଦରପୁର ଗ୍ରାମରେ ଅନାବାଦୀ ଜମିରେ ଜଣେ ବ୍ୟକ୍ତି ଗୃହ ନିର୍ମାଣ କରୁଥିଲେ। ଗ୍ରାମବାସୀ ଏହାକୁ ବିରୋଧ କରିଥିଲେ ମଧ୍ୟ ସେ କାମ ବନ୍ଦ କରି ନ ଥିଲେ। ବାଧ୍ୟ ହୋଇ ଗ୍ରାମବାସୀ ଆଇନର ଆଶ୍ରୟ ନେଇଥିଲେ। ଜିଲା ପ୍ରଶାସନ ପକ୍ଷରୁ ସେହି ସ୍ଥାନରେ ୧୪୪ ଧାରା ଜାରି କରାଯାଇ ଥିଲା। ହେଲେ ତାକୁ ବି ସେ ଅବମାନନା କରି ଗୃହ ନିର୍ମାଣ କରିବାରୁ ଗ୍ରାମବାସୀ ବାଧ୍ୟ ହୋଇ ଯାଜପୁର ଜିଲାପାଳ, ବରୀ ତହସିଲଦାରଙ୍କଠାରେ ଲିଖିତ ଅଭିଯୋଗ କରିଥିଲେ। ଅଭିଯୋଗର ତଦନ୍ତ କରି ତହସିଲଦାର ସେହି କାମ ବନ୍ଦ କରିବା ସହିତ ଯେତିକି ନିର୍ମାଣ କରାଯାଇଛି ତାକୁ ଭାଙ୍ଗିବାକୁ ନିର୍ଦ୍ଦେଶ ଦେଇଥିଲେ। ଏହି ଘଟଣା ପରେ ସମ୍ପୃକ୍ତ ବ୍ୟକ୍ତି କିଛିଦିନ କାମ ବନ୍ଦ କରିଥିଲେ ା ହେଲେ ସୋମବାର ପୁଣି ଥରେ ସେ ଘର କାମ ଆରମ୍ଭ କରିଥିବାରୁ ଗ୍ରାମବାସୀ ମଧୁସୁଦନପୁର ଆରଆଇଙ୍କଠାରେ ଅଭିଯୋଗ କରିଛନ୍ତି ା ଆରଆଇ ଘଟଣାସ୍ଥଳରେ କାମ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ ା ହେଲେ ସମ୍ପୃକ୍ତ ବ୍ୟକ୍ତି କାମ ବନ୍ଦ ନ କରି ଆରଆଇ ସୁମନ୍ତ କୁମାର ମଲ୍ଲିକଙ୍କୁ ଘର କାମ କରିବି ବୋଲି ପାଲଟା ଜବାବ ଦେଇଥିବା ଅଭିଯୋଗ ହୋଇଛି।