ବଇଣ୍ଡା,୧୪।୧୧(ଡି.ଏନ୍.ଏ.)-ଅନୁଗୋଳ ଜିଲା କିଶୋରନଗର ବ୍ଲକ ସଞ୍ଜାମୁରା ପଞ୍ଚାୟତରେ ଗୁରୁବାର ରାଜ୍ୟ ସରକାରଙ୍କ ପକ୍ଷରୁ ନୂତନ ଭାବେ ପ୍ରଚଳିତ ହୋଇଥିବା ଯୋଜନା ମୋ ଗାଁ ତହସିଲ (ସେବା ଆପଣଙ୍କ ଦ୍ୱାରରେ କାର୍ଯ୍ୟକ୍ରମ) ଉଦ୍ଘାଟିତ ହୋଇଯାଇଛି। କିଶୋରନଗର ତହସିଲଦାର ଡ. ଲକ୍ଷ୍ମୀପ୍ରସାଦ ସାହୁଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଆଠମଲ୍ଲିକ ଉପଜିଲାପାଳ ଡ.ରଜନୀକାନ୍ତ ବିଶ୍ୱାଳ ଯୋଗଦେଇ ଏହାକୁ ଉଦ୍ଘାଟିତ କରିଥିଲେ। କିଭଳି ଗ୍ରାମାଞ୍ଚଳରେ ବସବାସ କରୁଥିବା ଲୋକମାନେ ତହସିଲ ସମ୍ବନ୍ଧୀୟ ସେବା ପାଇପାରିବେ ସେଥିପ୍ରତି କର୍ମଚାରୀମାନେ ଯତ୍ନବାନ ହୋଇ ଯୋଜନାକୁ ସୁଫଳ ଭାବେ ଲୋକଙ୍କଠାରେ ପହଞ୍ଚାଇ ପାରିବେ ସେଥିପ୍ରତି ଗୁରୁତ୍ୱ ଦେବାକୁ ଉପସ୍ଥିତ ପଦାଧିକାରୀମାନଙ୍କୁ ଉପଜିଲାପାଳ ପରାମର୍ଶ ଦେଇଥିଲେ। ଅନ୍ୟତମ ଅତିଥି ଭାବେ କିଶୋରନଗର ବ୍ଲକ ଆକାଉଣ୍ଟ ଅଫିସର ଏନ.ଏସ ରାଜେନ୍ଦ୍ର, ସଞ୍ଜାମୁରା ସରପଞ୍ଚ ମୃତ୍ୟୁଞ୍ଜୟ ପ୍ରଧାନ, ନିର୍ବାହୀ ଅଧିକାରୀ ନିର୍ଭୟ କୁମାର ପ୍ରଧାନ, ତହସିଲ ବିଭାଗର ଅଧିକାରୀ ଅଭିରାମ ସାଏ, ରାଜସ୍ବ ନିରୀକ୍ଷକ ଶୁଭଶ୍ରୀ ପ୍ରିୟଦର୍ଶିନୀ, ସୁନିତା ସାହୁ ପ୍ରମୁଖ ଯୋଗ ଦେଇଥିଲେ। ଏଥିରେ ୧୮ ଜଣଙ୍କୁ ବିବିଧ ପ୍ରମାଣପତ୍ର, ୧୪ ଜଣଙ୍କ ଦାଖଲ ଖାରଜ ଆବେଦନ, ୨ ଜଣଙ୍କ ଘରବାରି କିସମ ପରିବର୍ତ୍ତନ, ୪୫ ଜଣଙ୍କ ଜମି ବନ୍ତୁଆରା ଦରଖାସ୍ତ ଗ୍ରହଣ, ୧୬୬ ଜଣଙ୍କ ଘରଡିହ ପାଇଁ ଆବେଦନ ଫର୍ମ ଗ୍ରହଣ, ୬୨ ଜଣଙ୍କ ଖଜଣା ପ୍ରଦାନ କରି ଇ-ପାଉତି ପ୍ରଦାନ କରାଯାଇଥିଲା। ଏଥିସହିତ ଭୂମିହୀନ ହିତାଧିକାରୀ ସଞ୍ଜାମୁରା ଗ୍ରାମର ବାବୁଲା ଝାଙ୍କର, ଗୁରୁବାରୀ ଝାଙ୍କର, ରତ୍ନାକର ଝାଙ୍କର, ବାଟିମୁଣ୍ଡା ଗ୍ରାମର ଶୁକ୍ରୁ ଭୋଇଙ୍କୁ ୪ ଡେସିମିଲ ଲେଖାଏଁ ଘରଡିହ ପଟ୍ଟା ଉପଜିଲାପାଳ ବିଶ୍ୱାଳ ପ୍ରଦାନ କରିଥିଲେ। ଏଥିରେ ତହସିଲ ବିଭାଗର