ମୁମ୍ବାଇ: ବଲିଉଡ୍ର ଚୁଲ୍ବୁଲି ନାୟିକା ତାପସୀ ପନ୍ନୁ ଏବେ ତାମିଲ ଇଣ୍ଡଷ୍ଟ୍ରିରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ଏବେ ନାରୀ କୈନ୍ଦ୍ରୀକ ଫିଲ୍ମ ଭଲ ବ୍ୟବସାୟ କରୁଥିବା ବେଳେ ନିକଟରେ ଦୀପିକା ପାଦୁକୋନଙ୍କ ଅଭିନୀତ ଏମିତି ଏକ ନାରୀ କୈନ୍ଦ୍ରୀକ ଫିଲ୍ମ ‘ଛପାକ’କୁ ମଧ୍ୟ ଦର୍ଶକେ ବେଶ୍ ପସନ୍ଦ କରିଛନ୍ତି। ଏହି ସମୟରେ ବଲିଉଡ୍ ବିୟୁଟି ତାପସୀ ତାମିଲ ଇଣ୍ଡଷ୍ଟ୍ରିରେ କାମ କରି ସମ୍ମାନୀତ ହେବା ଘଟଣା ତାଙ୍କ ପ୍ର୍ରଶଂସକଙ୍କ ମହଲରେ ଖୁସି ଆଣିଦେଇଛି। ଖବର ଅନୁଯାୟୀ ତାପସୀଙ୍କୁ ତାମିଲ ସିନେମାର ଆନନ୍ଦ ଭିକତାନ ଆଓ୍ବାର୍ଡ ମିଳିଛି। ଗତବର୍ଷ ତାଙ୍କ ଅଭିନୀତ ମୁଭି ‘ଗେମ୍ ଓଭର’ ପାଇଁ ତାପସୀଙ୍କୁ ସର୍ବଶ୍ରେଷ୍ଠ ଅଭିନେତ୍ରୀ ସମ୍ମାନ ମିଳିଛି। ଏହି ସମ୍ମାନ ପାଇବା ପରେ ତାପସୀ ବେଶ୍ ଖୁସିଥିବା କହିଛନ୍ତି। ୨୦୧୯ ତାଙ୍କ ପାଇଁ ଭଲ ବର୍ଷଥିଲା। ଏମିତିକି ୨୦୨୦ରେ ମଧ୍ୟ ତାଙ୍କ ହାତରେ ରହିଛି କିଛି ପ୍ରୋଜେକ୍ଟ। ଅନୁଭବ ସିହ୍ନାଙ୍କ ଫିଲ୍ମ ‘ଥପ୍ପଡ’ରୁ ସେ ୨୦୨୦ର କାମ ଆରମ୍ଭ କରୁଥିବା ଶୁଣିବାକୁ ମିଳିଛି। ଏହାସହ ଏକ ଆଥ୍ଲେଟ୍ କ୍ୟାରେକ୍ଟରରେ ବି ତାପସୀ ନଜର ଆସିବେ ବୋଲି ଜଣାପଡିଛି।