ଛତ୍ରପୁର,୨ା୧(ଡି.ଏନ.ଏ)- ନୂତନ ବର୍ଷର ପ୍ରଥମ ଦିନରେ ବୁଧବାର ଛତ୍ରପୁର ଉପକଣ୍ଠ ହୁମ୍ମର ତାମ୍ପରା ପର୍ଯ୍ୟଟନ କ୍ଷେତ୍ରରେ ପର୍ଯ୍ୟଟକଙ୍କ ପ୍ରବଳ ଭିଡ ଦେଖିବାକୁ ମିଳିଥିଲା । ରାଜ୍ୟ ତଥା ରାଜ୍ୟ ବାହାରୁ ଆସିଥିବା ପର୍ଯ୍ୟଟକମାନେ ଏଠାରେ ପ୍ରାକୃତିକ ଦୃଶ୍ୟ ଉପଭୋଗ କରିବା ସହ ବୋଟିଂର ମଜା ନେଇଛନ୍ତି। ଏଠାରେ ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ଏକ ଘରୋଇ ସଂସ୍ଥା ସହ ଚୁକ୍ତି କରାଯାଇ ବୋଟିଂ, ୱାଟର ସ୍ପୋଟର୍ସର ବ୍ୟବସ୍ଥା କରାଯାଇଛି । ପର୍ଯ୍ୟଟକମାନେ ପିକ୍ନିକ୍ କରୁଛନ୍ତି। ହେଲେ ଏଠାରେ ପାଇଖାନା ବ୍ୟବସ୍ଥା ହୋଇନି । ଓଟିଡିସି ପକ୍ଷରୁ ଏକ କମ୍ପ୍ଲେକ୍ସ ନିର୍ମାଣ କାମ ସରିଥିଲେ ମଧ୍ୟ ତାହାକୁ କାର୍ଯ୍ୟକାରୀ କରାଯାଇନି। ଉକ୍ତ କମ୍ପ୍ଲେକ୍ସରେ ପାଣି, ସ୍ନାକ୍ସ ସେଣ୍ଟର, ପାଇଖାନାର ବ୍ୟବସ୍ଥା ହୋଇଛି ା ତେବେ ଏହା କାଯର୍ୟକ୍ଷମ ହେଉ ନ ଥିବାରୁ ପର୍ଯ୍ୟଟକମାନେ ନିରାଶ ହେଉଥିବା ମଧ୍ୟ ଦେଖିବାକୁ ମିଳିଛି ା ତୁରନ୍ତ ଏହାକୁ କାର୍ଯ୍ୟକ୍ଷମ କରିବାକୁ ପର୍ଯ୍ୟଟକମାନେ ଦାବି କରୁଛନ୍ତି। ଅନ୍ୟପକ୍ଷରେ ତାମ୍ପରା ଉପକଣ୍ଠରେ ଥିବା ଡିଆରଡିଏର ଗେଷ୍ଟ ହାଉସଠାରୁ ହ୍ରଦର କୂଳେ କୂଳେ ସିଧାସଳଖ ବୋଟିଂ ଓ ପିକ୍ନିକ୍ ସ୍ଥାନକୁ ରାସ୍ତା ନିର୍ମାଣ କରାଯାଉଛି। ଆଗକୁ ପାର୍କ ନିର୍ମାଣ ହେବ ା