ଛେଣ୍ଡିପଦା,୧୮।୮(ସ୍ବ.ପ୍ର.): ଅନୁଗୋଳ ଜିଲା ଛେଣ୍ଡିପଦା ବନାଞ୍ଚଳର କାଠପାଳଠାରେ ଭାଲୁ ଆକ୍ରମଣରେ ରବିବାର ଜଣେ ମହିଳା ଗୁରୁତର ହୋଇଛନ୍ତି। ସେ ହେଲେ କାଠପାଳ ଗ୍ରାମର ବାସୁଦେବ ବିଶ୍ୱାଳଙ୍କ ସ୍ତ୍ରୀ ଅଳେଇଚ।
ପ୍ରକାଶ ଯେ, ଅଳେଇଚ ସକାଳେ ଘର ପାଖ ପଡ଼ିଆକୁ ତାଳ ଗୋଟାଇବାକୁ ଯାଇଥିବା ବେଳେ ଏକ ଭାଲୁ ତାଙ୍କୁ ଆକ୍ରମଣ କରିଥିଲା। ସେ ପାଟି କରିବାରୁ ଲୋକେ ପହଞ୍ଚିଥିଲେ। ପରେ ଭାଲୁ ତାଙ୍କୁ ଛାଡ଼ି ଜଙ୍ଗଲ ଆଡକୁ ଚାଲିଯାଇଥିଲା। ଲୋକେ ତାଙ୍କୁ ଉଦ୍ଧାର କରି ଛେଣ୍ଡିପଦା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି। ଏଥିରେ ଅଳେଇଚଙ୍କ ବାମ ଗୋଡ ଓ ଡାହାଣ ଜଙ୍ଘରେ ଗଭୀର କ୍ଷତ ହୋଇଛି ।