ଟୋକିଓ,୧୭।୭(ପିଟି)- ଦେଶର ଶୀର୍ଷ ର଼୍ୟାଙ୍କ ତୀରନ୍ଦାଜ ଦୀପିକା କୁମାରୀ ବୁଧବାର ୨୦୨୦ ଟୋକିଓ ଅଲିମ୍ପିକ୍ ଗେମ୍ସର ଟେଷ୍ଟ ଇଭେଣ୍ଟରେ ରୌପ୍ୟ ପଦକ ଜିତିଛନ୍ତି। କୋରିଆର ୧୮ ବର୍ଷୀୟା ଆନ ସାନଙ୍କଠାରୁ ସିଧାସଳଖ ସେଟ୍ରେ ପରାଜୟ ବରଣ କରିବାରୁ ଭାରତୀୟ ତୀରନ୍ଦାଜଙ୍କୁ ରୌପ୍ୟ ପଦକରେ ସନ୍ତୁଷ୍ଟ ହେବାକୁ ପଡ଼ିଛି। ନିକଟରେ ବର୍ଲିନଠାରେ ଅନୁଷ୍ଠିତ ବିଶ୍ୱକପ୍ର ୪ର୍ଥ ପର୍ଯ୍ୟାୟରେ ଡବଲ ସ୍ବର୍ଣ୍ଣ ପଦକ ଜିତିଥିବା ସାନ ପ୍ରଥମ ସେଟ୍କୁ ଏକ ପଏଣ୍ଟ ବ୍ୟବଧାନରେ ଜିତିଥିଲେ। ଦ୍ୱିତୀୟ ସେଟ୍କୁ ୨୯-୨୫ ବ୍ୟବଧାନରେ ଜିତିବା ପରେ ତୃତୀୟ ସେଟ୍ରେ କ୍ରମାଗତ ତିନୋଟି ଶଟ୍ରେ ୧୦ ପଏଣ୍ଟ ହାସଲ କରିଥିଲେ। ମୁଁ ପ୍ରତିଯୋଗିତାରେ ଭଲ ପ୍ରଦର୍ଶନ କରିଥିଲି। କିନ୍ତୁ ଫାଇନାଲରେ ନିଜ ଦକ୍ଷତା ଅନୁଯାୟୀ ପ୍ରଦର୍ଶନ କରିପାରି ନ ଥିଲି। ନିକଟରେ ମୋର ଟେକନିକ୍ରେ ପରିବର୍ତ୍ତନ କରିଛି। ଏଥିଯୋଗୁ ମୋ ସ୍କୋରିଂରେ ଭିନ୍ନତା ଦେଖିତ୍ବାକୁ ମିଳୁଛି। ମୁଁ ଏଠାରୁ ବହୁତ କିଛି ଶିକ୍ଷା କରିଛି। ମୁଁ ଆହୁରି ଉନ୍ନତର ତୀରନ୍ଦାଜ ହେବି ବୋଲି ଦୀପିକା କହିଛନ୍ତି।