ଛେଣ୍ଡିପଦା,୧୯ା୭(ଡି.ଏନ.ଏ.)-ଅନୁଗୋଳ ଜିଲା ଗ୍ରାମ୍ୟ ନିର୍ମାଣ ବିଭାଗ ଅଧୀନ ତୁକୁଡା-ମଝିକା ରାସ୍ତା ସମ୍ପ୍ରସାରଣ କରିବାକୁ ଅଞ୍ଚଳବାସୀ ଦାବି କରିଛନ୍ତି। ସେମାନଙ୍କ ଅଭିଯୋଗ ମୁତାବକ, ପ୍ରାୟ ୨୫ କିମି ବିଶିଷ୍ଟ ଏହି ରାସ୍ତା ଉପରେ ତୁକୁଡା, ସଦାନନ୍ଦପୁର, ଓଡ଼କପା, ଜାମୁଣ୍ଡା, ଜାମୁଣ୍ଡା ଜଙ୍ଗଲ, ବଡକେରେଜାଙ୍ଗ, ବଡକେରେଜାଙ୍ଗ ଜଙ୍ଗଲ, ଜରଡା, ପାରିପରା, ସାନକେରେଜାଙ୍ଗ, ଗୋଳାବନ୍ଧ, ବେଣାଗାଡିଆ, ମଝିକା ଆଦି ଗ୍ରାମର ଲୋକେ ନିର୍ଭରଶୀଳ। ଏଥିସହ ଜରପଡା, ଆଠମଲ୍ଲିକ, ଜରାସିଙ୍ଗା, କୁମଣ୍ଡ, ଅନୁଗୋଳ ଅଞ୍ଚଳର ଲୋକେ ମଧ୍ୟ ଏହି ରାସ୍ତା ଦେଇ ଯାତାୟାତ କରୁଛନ୍ତି। ଅନୁଗୋଳ ଜିଲାର ଏହା ଏକ ମୁଖ୍ୟ ଗ୍ରାମାଞ୍ଚଳ ରାସ୍ତା। ଏହାର ସମ୍ପ୍ରସାରଣ ହେଉ ନ ଥିବାରୁ ଯିବାଆସିବାରେ ଅସୁବିଧା ହେଉଛି। ଉଭୟ ବ୍ଲକ ସଦର ମହକୁମା ଏବଂ ଜିଲା ସଦର ମହକୁମାକୁ ସଂଯୋଗ କରୁଥିବା ଏହି ରାସ୍ତା ଦେଇ ଶିଳ୍ପାଞ୍ଚଳର ଶ୍ରମିକ, କର୍ମଚାରୀମାନେ ଯାତାୟାତ କରିଥାନ୍ତି। ତେଣୁ ଏହାର ଉନ୍ନତୀକରଣ ସହ ସମ୍ପ୍ରସାରଣର ଆବଶ୍ୟକତା ରହିଛି। ଅନ୍ୟପକ୍ଷରେ ଏହି ରାସ୍ତାର ଜାମୁଣ୍ଡା ଜଙ୍ଗଲ ଓ ବଡକେରେଜାଙ୍ଗ ଗ୍ରାମ ମଧ୍ୟରେ ଥିବା ପ୍ରାୟ ୨ କିମି ରାସ୍ତାକୁ ଏକ ପ୍ରମୁଖ କମ୍ପାନୀ ଅଧିଗ୍ରହଣ କରିବାକୁ ଉଦ୍ୟମ କରୁଥିବା ଅଭିଯୋଗ ହୋଇଛି। ଏପରି ହେଲେ ଲୋକଙ୍କ ଯାତାୟାତ ବାଧାପ୍ରାପ୍ତ ହେବା ନେଇ ଅଶାଙ୍କା ଉପୁଜିଛି। ତୁରନ୍ତ ଗ୍ରାମ୍ୟ ନିର୍ମାଣ ବିଭାଗରୁ ଅନୁଗୋଳ ପୂର୍ତ୍ତ ବିଭାଗ (ଆରଆଣ୍ଡବି) ଅଧୀନକୁ ହସ୍ତାନ୍ତର କରାଯିବା ସହ ରାସ୍ତା