ଗୁଡଭେଲା,୩।୪(ଡି.ଏନ.ଏ.)-ବର୍ତ୍ତମାନର ଭୟଙ୍କର କରୋନା ପରିସ୍ଥିତିର ମୁକାବିଲା କରିବା ପାଇଁ ବଲାଙ୍ଗୀର ଜିଲା ତୁଷୁରା ଏନ୍ଏସି ପକ୍ଷରୁ ସହରକୁ ସ୍ବଚ୍ଛ ଓ ସଂକ୍ରମଣ ମୁକ୍ତ ରଖିବାକୁ ସ୍ବଚ୍ଛତା ମିଶନ କାର୍ଯ୍ୟକ୍ରମ ଆରମ୍ଭ ହୋଇଛି। ତୁଷୁରା ସହରର ସମସ୍ତ ଡ୍ରେନ୍ରେ ବିଶୋଧକ ସିଞ୍ଚନ କରିବାକୁ ସହରବାସୀଙ୍କ ପକ୍ଷରୁ ଦାବି ହେଉଛି। ସହରର ଥିବା ଡ୍ରେନ୍, ଡମ୍ପିୟାର୍ଡରେ ମଇଳା ପଡି ରହିଥିବାରୁ ଦୁର୍ଗନ୍ଦ ବାହାରୁଛି ା କିଛି ଦିନ ତଳେ ଏନଏସି ପକ୍ଷରୁ ସହରର ମୁଖ୍ୟ ରାସ୍ତାରେ ଥିବା ଡ୍ରେନ ଓ ରାସ୍ତାରେ ବିଶୋଧକ ସଞ୍ଚନ କରାଯାଇଥିଲା। ହେଲେ ଗଳି ରାସ୍ତାରେ ଥିବା ଡ୍ରେନରେ ବିଶୋଧକ ସିଞ୍ଚନ କରାଯାଉ ନ ଥିବାରୁ ଲୋକଙ୍କ ଭିତରେ ଅସନ୍ତୋଷ ବୃଦ୍ଧି ପାଉଛି। ଏହା ସହିତ ଏହି ଏନଏସି ଅଧୀନ କପସିଲା, ଧାନଘରାରେ ମଧ୍ୟ ବିଶୋଧକ ସଞ୍ଚନ କରାଯାଇ ନ ଥିବା ଅଭିଯୋଗ ହେଉଛି। ସହରର ବିଭିନ୍ନ ସ୍ଥାନରେ କୁଢକୁଢ ଅଳିଆ ଆବର୍ଜନା ପଡି ରହୁଥିବାରୁ ସଂକ୍ରମଣ ହେବା ଆଶଙ୍କା ରହୁଛି। ଏଣୁ ତୁରନ୍ତ ବିଶୋଧକ ସିଞ୍ଚନ କରିବାକୁ ଦାବି ହେଉଥିବା ବେଳେ ଏ ନେଇ କିନ୍ତୁ ଏନଏସି କର୍ତ୍ତୃପକ୍ଷ କିଛି କହିବାକୁ ମନା କରି ଦେଇଛନ୍ତି।
