ଲକ୍ଷ୍ନୌ,୨୨।୧୨: ତୃଣମୂଳ କଂଗ୍ରେସ ନେତାଙ୍କୁ ଲକ୍ଷ୍ନୌରେ ପ୍ରବେଶ କରିବା ଅନୁମତି ମିଳିବ ନାହିଁ ବୋଲି ତ୍ତରପ୍ରଦେଶ ଡିଜିପି ଓ.ପି. ସିଂ ସୂଚନା ଦେଇଛନ୍ତି। ତୃଣମୂଳ ନେତା ଦିନେଶ ତ୍ରିବେଦି, ପ୍ରତିମା ମଣ୍ଡଳ, ମହମ୍ମଦ୍ ନଦିମୁଲ୍ ହକ୍ ଏବଂ ଆବିର୍ ବିଶ୍ୱାସ ଲକ୍ଷ୍ନୌରେ ପହଞ୍ଚିବାର କାର୍ଯ୍ୟକ୍ରମ ରହିଛି। ସେମାନେ ସିଏଏ ହିଂସାରେ ମୃତ୍ୟୁ ଘଟିଥିବା ମୃତକଙ୍କ ପରିବାରବର୍ଗଙ୍କୁ ଭେଟିବେ ବୋଲି ଦଳ ପକ୍ଷରୁ କୁହାଯାଇଥିଲା। ତେବେ ସମ୍ପୃକ୍ତ ଅଞ୍ଚଳରେ ୧୪୪ ଧାରା ଜାରି ହୋଇଥିବାରୁ ସୁରକ୍ଷା ଦୃଷ୍ଟିରୁ ତୃଣମୂଳ କଂଗ୍ରେସ ସଦସ୍ୟଙ୍କୁ ଲକ୍ଷ୍ନୌରେ ପ୍ରବେଶ ଅନୁମତି ମିଳିବ ନାହିଁ ବୋଲି ଡିଜିପି କହିଛନ୍ତି।