କୋୟମ୍ବାଟୁର,୨୭।୫: ସୀମାରେ ଭାରତ ଚାଇନା ମଧ୍ୟରେ ଉତ୍ତେଜନା ବୃଦ୍ଧି ପାଇବାରେ ଲାଗିଛି। ଏପରିସ୍ଥଳେ ଭାରତୀୟ ବାୟୁସେନାରେ ବୁଧବାର ତେଜସ୍ର ଦ୍ୱିତୀୟ ସ୍କ୍ବାଡ୍ରନ୍କୁ ସାମିଲ୍ କରାଯାଇଛି। ତାମିଲନାଡୁର କୋୟମ୍ବାଟୁର ନିକଟରେ ଥିବା ସୁଲୁର ବାୟୁସେନା ଷ୍ଟେଶନରେ ତେଜସ୍ ସ୍କ୍ବାଡ୍ରନ୍କୁ ସାମିଲ୍ କରାଯାଇଛି। ବାୟୁସେନାର ଫ୍ଲାଇଙ୍ଗ୍ ବୁଲେଟ୍ସ୍ ଦଳରେ ତେଜସ୍ ସ୍କ୍ବାଡ୍ରନ୍ କାର୍ଯ୍ୟ କରିବ। ଏହି ଅବସରରେ ବାୟୁସେନା ମୁଖ୍ୟ ଆର୍.କେ.ଏସ୍. ଭାଦୋରିଆ ତେସଜ୍ରେ ବସି ଉଡ଼ାଣ କରିଛନ୍ତି। ଏହାଦ୍ୱାରା ଭାରତୀୟ ବାୟୁସେନାର ପ୍ରତିରକ୍ଷା ଶକ୍ତି ବୃଦ୍ଧି ପାଇବ ବୋଲି କୁହାଯାଉଛି।