ବମ୍ବେ: ରିଆଲିଟି ଶୋ’ ବିଗ୍ବସ୍ ଜରିଆରେ ଜଣେ ମଡେଲରୁ ରାତାରାତି ଷ୍ଟାର ପାଲଟିଥିବା ଆସିମ ରିଆଜ ପୁଣି ଚର୍ଚ୍ଚାରେ। କାରଣଟି ହେଲା ତାଙ୍କର ଅପ୍କମିଂ ପ୍ରୋଜେକ୍ଟ। ନୂଆ ଗୀତ ‘ତେରି ଗଲି’ରେ ଆସିମ୍ ଜଣେ ନୂଆ ନାୟିକାଙ୍କ ସହ ଆସିବେ ନଜର। ସେ ହେଲେ ବାର୍ବି ମାନ୍। ଏହି ରୋମାଣ୍ଟିକ୍ ଗୀତକୁ ଗୁରୁ ରାନ୍ଧଓ୍ବା ପ୍ରସ୍ତୁତ କରିଛନ୍ତି।
ନିଜର ସୋସିଆଲ ଆକାଉଣ୍ଟରେ ଆସିମ୍ ଗୀତର ରିଲିଜ୍ ଡେଟ୍ ନେଇ ଦେଇଛନ୍ତି ସୂଚନା। ଆସନ୍ତା ୨୮ ତାରିଖ ପୂର୍ବାହ୍ନ ୧୧ଟାରେ ଏହାକୁ ରିଲିଜ କରାଯିବ। ପ୍ରଶଂସକଙ୍କ ଉପରେ ତାଙ୍କର ଭରସା ରହିଛି। ତାଙ୍କର ନୂଆ ଗୀତକୁ ସେମାନେ ପସନ୍ଦ କରିବେ ବୋଲି ସେ ଆଶା ରଖିଥିବା କହିଛନ୍ତି।
ପୂର୍ବରୁ ହିମାଂଶୀଙ୍କ ସହ ଆସିମ୍ଙ୍କ ଦୁଇଟି ଗୀତ ଆସିଛି। ଗୀତଦ୍ୱୟ ୟୁଟ୍ୟୁବ୍ରେ ହିଟ୍ ସାବ୍ୟସ୍ତ ହୋଇଛି। ଉଭୟଙ୍କ ଯୋଡିକୁ ସମସ୍ତେ ପସନ୍ଦ କରିଥିଲେ। ଏବେ ବାର୍ବିଙ୍କ ସହ ତାଙ୍କ ଗୀତକୁ ଦର୍ଶକେ କେତେ ପସନ୍ଦ କରୁଛନ୍ତି ତାହା ଦେଖିବାକୁ ବାକି ରହିଲା।