ଫୁଲବାଣୀ ଅଫିସ, ୧୪।୫- କନ୍ଧମାଳ ଜିଲା ଫୁଲବାଣୀ ଜିରିଙ୍ଗିପଡା ଅଞ୍ଚଳର ୪ ଯୁବକ ତେଲେଙ୍ଗାନାର ଏକ ଘରୋଇ କମ୍ପାନୀରେ କାମ କରୁଥିଲେ। ଲକ୍ଡାଉନ ଯୋଗୁ କମ୍ପାନୀ ବନ୍ଦ ପରେ ସେଠାରେ ଫସି ରହିଥିଲେ। ୩ ଦିନ ତଳେ ଶ୍ରମିକ ସ୍ବତନ୍ତ୍ର ଟ୍ରେନ୍ ଯୋଗେ ଆସି ବ୍ରହ୍ମପୁରରେ ପହଞ୍ଚତ୍ଥିଲେ। ସେଠାରେ ପ୍ରଶାସନ ପକ୍ଷରୁ ସେମାନଙ୍କ ହାତରେ ସିଲ୍ ମଧ୍ୟ ଲଗା ଯାଇଥିଲା। ହେଲେ ସେମାନେ ଫୁଲବାଣୀ ଆସିବା ବଦଳରେ ଭୁଲ୍ରେ ଭୁବନେଶ୍ୱର ଚାଲି ଯାଇଥିଲେ। ଏବେ ବରମୁଣ୍ଡା ବସ୍ଷ୍ଟାଣ୍ଡରେ ୪ ଜଣ ଭୋକ ଉପାସରେ ୨ଦିନ ହେଲା ରହିଛନ୍ତି। ପରିବାର ଲୋକେ ବୁଧବାର ଜିଲାପାଳଙ୍କୁ ଭେଟି ସେମାନଙ୍କୁ ଫେରାଇ ଆଣିବା ବ୍ୟବସ୍ଥା କରିବାକୁ ନିବେଦନ କରିଛନ୍ତି।