ଜୁନାଗଡ,୫।୫(ଡି.ଏନ୍.ଏ.): ତେଲେଙ୍ଗେନାକୁ କାମ କରିବାକୁ ଯାଇଥିବା କଳାହାଣ୍ଡି ଜିଲା ଜୁନାଗଡ ବ୍ଲକର ୨୪ଜଣ ପ୍ରବାସୀ ଓଡିଆ ମଙ୍ଗଳବାର ବସ୍ ଭଡା କରି ଜୁନାଗଡରେ ପହଞ୍ଚିଛନ୍ତି। ଏଥିରେ ଜୁନାଗଡ ବ୍ଲକର ତଳମଲା ପଞ୍ଚାୟତର ୨୨, ମାଟିଗଁା ଓ ହାବସପୁର ପଞ୍ଚାୟତର ଜଣେ ଲେଖାଏ ଶ୍ରମିକ ରହିଛନ୍ତି। ପୂର୍ବରୁ ଏହି ଶ୍ରମିକମାନେ ଘରକୁ ଫେରିବା ପାଇଁ ପଞ୍ଜୀକରଣ କରିଥିବାରୁ ବ୍ଲକ ପ୍ରଶାସନ ଏଥିପ୍ରତି ସଜାଗ ରହିଥିଲା। ଶ୍ରମିକମାନେ ଜୁନାଗଡ ସହରରେ ପହଞ୍ଚିବା ପରେ ବ୍ଲକ ପ୍ରଶାସନ ସେମାନଙ୍କୁ ଚିହ୍ନଟ କରି ତଳମଲା ଅସ୍ଥାୟୀ ସ୍ବାସ୍ଥ୍ୟ ଶିବିର(ଟିଏମସି)ରେ ଥଇଥାନ କରିଥିଲା। ଏହି ସମୟରେ ବିଡିଓ ଦୁଲାରାମ ମାରାଣ୍ଡି, ଜିପିଓ ସିଦ୍ଧେଶ୍ୱର ମେହେର, ଡବ୍ଲୁଇଓ ସୁମନ୍ତ କୁମାର ମାଝୀ, ବିଏସ୍ଏସଓ ତୁଷାର ରଞ୍ଜନ ସାହୁ, ଯନ୍ତ୍ରୀ ସଞ୍ଜୟ କୁମାର ମଲ୍ଲିକ, ନୋଡାଲ ଅଧିକାରୀ ଗୁପ୍ତ ନାଏକ, ସ୍ଥାନୀୟ ସରପଞ୍ଚ ଦୁଶିଲା ମାଝୀ ପ୍ରମୁଖ ଉପସ୍ଥିତ ଥିଲେ। ସନ୍ଧ୍ୟାରେ ଶିବିରକୁ ଜିଲା ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦ୍ଦେଶକ ପ୍ରଭାତ କୁମାର ମହାପାତ୍ର ପରିଦର୍ଶନ କରିଥିଲେ।
