ରାୟଗଡ଼ା ଅଫିସ,୩।୨: ରାୟଗଡ଼ାର ଗୌତମନଗରରେ ଥିବା ଏକ ତେଲ ଗୋଦାମ ଉପରେ ଟାଉନ ପୋଲିସ ସୋମବାର ଚଢ଼ାଉ କରିଛି । ଉକ୍ତ ଗୋଦାମରେ ବେଆଇନ ଭାବେ ନିମ୍ନ ମାନର ତେଲ ପ୍ୟାକିଂ କରାଯାଇ ସହରରେ ବିକ୍ରି କରାଯାଉଥିବା ପୋଲିସ ପାଖେ ଖବର ପହଞ୍ଚିଥିଲା। ଖବର ପାଇ ପୋଲିସ ଉକ୍ତ ଗୋଦାମ ଉପରେ ଚଢ଼ାଉ କରିଥିଲା। ଚଢ଼ାଉରେ କେତେକ ତେଲ ପ୍ୟାକେଟ ଏବଂ ନଥିପତ୍ର ଜବତ ହୋଇଥିବା ବେଳେ ଜବତ ତେଲକୁ ଜନସ୍ବାସ୍ଥ୍ୟ ଅଧିକାରୀ ଓ ଖାଦ୍ୟ ସୁରକ୍ଷା ଅଧିକାରୀକୁ ହସ୍ତାନ୍ତର କରାଯାଇଛି । ଏହାର ନମୁନାକୁ ଭୁବନେଶ୍ୱର ପଠାଯାଇଛି। ସେଠାରୁ ରିପୋର୍ଟ ଆସିବା ପରେ ଗୋଦାମ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ କହିଛି।