ନୂଆଦିଲ୍ଲୀ,୧୭।୬: ଦେଶରେ ତେଲ ଦର କ୍ରମାଗତ ଭାବେ ୧୦ ଦିନ ହେଲା ବୃଦ୍ଧି ପାଉଥିବା ବେଳେ ଏହି ସମୟରେ ବିମାନ ଇନ୍ଧନ(ଏଟିଏଫ)ର ଦର ପ୍ରାୟ ୧୬.୩% ବୃଦ୍ଧି ଘଟିଛି। ଫଳରେ ଏହାର ଦାମ କିଲୋ ଲିଟର ୫୪୯୪.୫ ଟଙ୍କା ବୃଦ୍ଧି ଘଟି ୩୯,୦୬୯.୮୭ଟଙ୍କାରେ ପହଞ୍ଚତ୍ଛି। ଏହାର ମୂଳ ଦରରୁ ୧୬.୩% ଅଧିକ ବୋଲି ବିଭିନ୍ନ ତୈଳ ବିପଣନ କମ୍ପାନୀ ପକ୍ଷରୁ ସୂଚନା ଦିଆଯାଇଛି। ଏହାକୁ ମିଶାଇ ଦ୍ୱିତୀୟ ଥର ଏଟିଏଫ୍ ଦର ବୃଦ୍ଧି ହୋଇଛି। ଜୁନ ୧ରେ ଏଥିରେ ପ୍ରତି କିଲୋ ଲିଟର ପିଛା ରେକର୍ଡ ୫୬.୫% (୧୨,୧୨୬.୭୫ଟଙ୍କା) ବୃଦ୍ଧି ଘଟିଥିଲା। ସେହିଭଳି ଜୁନ ୭ରୁ ଆଜି ପର୍ଯ୍ୟନ୍ତ କ୍ରମାଗତ ଭାବେ ଦେଶର ତେଲ ଦର ବୃଦ୍ଧି ପାଉଛି। ଫଳରେ ବିଗତ ୧୦ଦିନ ମଧ୍ୟରେ ଦେଶର ତେଲ ଦର ପେଟ୍ରୋଲ ଲିଟର ଉପରେ ୫.୪୭ଟଙ୍କା ଏବଂ ଡ଼ିଜେଲ ୫.୮୦ଟଙ୍କା ବୃଦ୍ଧି ପାଇଛି। ଦେଶର ପ୍ରମୁଖ ତୈଳ କମ୍ପାନୀ ଗୁଡିକର ସୂଚନା ଅନୁସାରେ ସୋମବାର ପେଟ୍ରୋଲ ଲିଟର ପିଛା ୪୭ ପଇସା ଏବଂ ଡ଼ିଜେଲ ୯୩ ପଇସା ବୃଦ୍ଧି ପାଇଛି। ଯାହାଫଳରେ ପେଟ୍ରୋଲ ଦର ୭୬.୨୬ଟଙ୍କାରୁ ବୃଦ୍ଧି ପାଇ ୭୬.୭୩ଟଙ୍କାରେ ପହଞ୍ଚତ୍ଛି। ସେହିଭଳି ଡ଼ିଜେଲ ଦର ୭୪.୨୬ ଟଙ୍କାରୁ ବୃଦ୍ଧି ପାଇଁ ୭୫.୧୯ଟଙ୍କା ଛୁଇଁଥିବା ଜଣାପଡିଛି। ବିଗତ ୮୨ ଦିନ ପରେ ଦେଶର ତେଲ ଦର ପୁଣି ଥରେ ବୃଦ୍ଧି କରାଯାଇଥିବା ବିଭିନ୍ନ ତୈଳ ବିପଣନ କମ୍ପାନୀ ଗୁଡିକ ପକ୍ଷରୁ ସୂଚନା ଦିଆଯାଇଛି।