ବଲିଉଡ୍ ଅଭିନେତ୍ରୀ ଦୀପିକା ପାଦୁକୋନ୍ ତୈମୁର ଅଲ୍ଲୀ ଖାନ୍ଙ୍କୁ ଚୋରିକରି ନେବାକୁ ଚାହୁଁଛନ୍ତି। ଏଥିରେ ଆଶ୍ଚର୍ଯ୍ୟ ହେବାର ନାହିଁ। ପ୍ରକୃତ କଥାଟା ହେଲା, ସୈଫ୍ ଏବଂ କରୀନାଙ୍କ ପୁଅ ତୈମୁର କୌଣସି ଷ୍ଟାର ଠାରୁ କମ୍ ନୁହନ୍ତି। ତାଙ୍କୁ କ୍ୟୁଟ୍ନେସ୍ ସମସ୍ତଙ୍କୁ ଆକର୍ଷିତ କରିଥାଏ। ଶୋସିଆଲ ମିଡିଆରେ ତାଙ୍କ ଫଟୋ ସବୁବେଳେ ଭାଇରାଲ ହୁଏ। ସେହିଭଳି ନିକଟରେ ତାଙ୍କର ଏକ ଭିଡିଓକୁ ଦେଖି ଦୀପିକା ପାଦୁକୋନ ଓ ଆଲିଆ ଭଟ୍ଟ ଖୁସି ହୋଇଯାଇଛନ୍ତି। ଭିଡିଓଟି ସୈଫ୍-କରୀନାଙ୍କ ଏକ ବିଜ୍ଞାପନ ଶୁଟିଂ ସମୟର। ସୁଟିଂ ସେଟ୍ରେ ତୈମୁର ଉପସ୍ଥିତ ଥିବା ବେଳେ ହାତରେ ଏକ ହେୟାର ଡ୍ରାୟର ଧରିଥିବା ଭିଡିଓରେ ଦେଖିବାକୁ ମିଳୁଛି। ଏହା ଶୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓକୁ ସେଲିବ୍ରିଟିଙ୍କ ହେୟାର ଷ୍ଟାଇଲିଷ୍ଟ ଶେୟାର କରିଛନ୍ତି। ଏଥିରେ ସେ କ୍ୟାପ୍ସନ ଦେଇଛନ୍ତି ନୂଆ ଆଶିଷ୍ଟାଣ୍ଟ, ନା ବସ୍। ଏହି ଭିଡିଓଟିକୁ ଦେଖିବା ପରେ ଦେୀପିକା ତୈମୁରଙ୍କୁ ଚୋରିକରି ନେବାକୁ ଚାହୁଁଥିବା କହିଛନ୍ତି। ସେହିପରି ଆଲିଆ ଆଶ୍ଚର୍ଯ୍ୟ ହୋଇ ଓ ମାଇଁ ଗଡ୍ ବୋଲି କହିଛନ୍ତି।