ନୂଆଦିଲ୍ଲୀ, ୨୨।୮: ତୋଗଲକାବାଦ୍ ହିଂସାରେ ଦିଲ୍ଲୀ ପ୍ରଶାସନ ପକ୍ଷରୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଏଥିରେ ସମ୍ପୃକ୍ତ ଭୀମ ସେନା ମୁଖ୍ୟ ଚନ୍ଦ୍ରଶେଖର ଆଜାଦ୍ ଓରଫ୍ ରାବଣଙ୍କ ସମେତ ୯୧ ଜଣଙ୍କୁ ଗିରଫ କରାଯାଇଛି। ବୁଧବାର ରାତିରେ ଏହି ହଂସାକାଣ୍ଡ ଘଟିଥିଲା। ଗୁରୁବାର ସକାଳେ ସମଗ୍ର ଅଞ୍ଚଳ ଅର୍ଦ୍ଧ ସାମରିକ ସୁରକ୍ଷାବଳଙ୍କ ଛାଉଣୀରେ ପରିଣତ ହୋଇଛି। ଏହି ଘଟଣାରେ ୧୫ ପୋଲିସକର୍ମୀ ଆହତ ହୋଇଥିବା କୁହାଯାଉଛି। ସନ୍ଥ ରବିଦାସ ମନ୍ଦିର ଭଙ୍ଗାଯିବା ଘଟଣାକୁ ନେଇ ଏଭଳି ହୋଇଛି। ଲୋକଙ୍କୁ ଘଉଡ଼ାଇବା ପାଇଁ ପୋଲିସ ପକ୍ଷରୁ ଲୁହବୁହା ଗ୍ୟାସ ପ୍ରୟୋଗ କରାଯାଇଥିଲା।