କଟକ ଅଫିସ,୧୭ା୫-ଲକ୍ଡାଉନ ସମୟରେ ଓଡ଼ିଶାକୁ ଫେରୁଥିବା ପ୍ରବାସୀ ତଥା ଅତିଥି ଶ୍ରମିକଙ୍କ ନିରାପଦ ଯାତ୍ରା ପାଇଁ ରାଜ୍ୟ ସରକାର ନିରବଚ୍ଛିନ୍ନ ବସ୍ ସେବା ଯୋଗାଇବା ପାଇଁ ପ୍ରତିଶ୍ରୁତି ଦେଇଛନ୍ତି। ଏହା ସତ୍ତ୍ୱେ ଥମୁନି ପ୍ରବାସୀଙ୍କ ଅସୁରକ୍ଷିତ ଯାତ୍ରା ା ଶନିବାର ସନ୍ଧ୍ୟାବେଳେ ମହାରାଷ୍ଟ୍ରରୁ ୯ ଜଣ ପ୍ରବାସୀ ଅସୁରକ୍ଷିତ ଅବସ୍ଥାରେ ଏକ ମାଲ ବୋଝେଇ ଟ୍ରକ୍ ଉପରେ ବସି ବାଲେଶ୍ୱର ଅଭିମୁଖେ ଯାଉଥିବା ଦେଖିବାକୁ ମିଳିଛି। ଗାଡ଼ିରେ ଅଧିକ ଉଚ୍ଚ ଯାଏ ମାଲ୍ ବୋଝେଇ ହୋଇଥିବାରୁ କେତେବେଳେ ଗଛରେ ଟ୍ରକର ଉପରଭାଗ ଘଷି ହେଉଥିଲା ତ ଆଉ କେତେବେଳେ ବିଦ୍ୟୁତ ତାରର ଅତି ପାଖକୁ ଛୁଇଁଲା ପରି ସ୍ଥିତି ଉପୁଜିଥିଲା। ଟ୍ରକ୍ଟି କଟକ ଲିଙ୍କରୋଡରେ ପହଞ୍ଚତ୍ବା ପରେ ସେଠାରେ ଡ୍ୟୁଟିରେ ଥିବା କେତେକ ପୋଲିସ ଅଧିକାରୀ ଅଟକାଇଥିଲେ ା ଏହା ଦେଖି ଲୋକେ ଭାବିଲେ ଯେ ପୋଲିସ ଏହି ଶ୍ରମିକଙ୍କୁ ଏଠାରୁ ଓହ୍ଲାଇଦେଇ ସେମାନଙ୍କ ନିରାପଦ ଯାତ୍ରା ପାଇଁ ବସ୍ ବ୍ୟବସ୍ଥା କରାଇବ ା କିନ୍ତୁ ପୋଲିସ ତାହା ନ କରି ପୂର୍ବରୁ ସେଠାରେ ଗାଡ଼ି ଅପେକ୍ଷାରେ ଥିବା ଆଉ ପ୍ରାୟ ୫ ଜଣ ଶ୍ରମିକଙ୍କୁ ନେଇଯିବା ପାଇଁ ଡ୍ରାଇଭରଙ୍କୁ ପଚାରି ବୁଝିଥିଲା। କିନ୍ତୁ ଗାଡ଼ିଟି ବାଲେଶ୍ୱର ପଟକୁ ଯାଉଥିବା ବେଳେ ଅପେକ୍ଷାରେ ଥିବା ଶ୍ରମିକମାନେ ଅନ୍ୟତ୍ର ଯିବାର ଥିଲା। ତେଣୁ ଟ୍ରକ୍ଟିକୁ ଯିବାକୁ ଦିଆ ଯାଇଥିଲା ା