ରାସଗୋବିନ୍ଦପୁର,୪।୯ (ଡି.ଏନ.ଏ))- ମୟୂରଭଞ୍ଜ ଜିଲା ଶିମିଳିପାଳ ଅଭୟାରଣ୍ୟରୁ ଆସିଥିବା ହାତୀପଲଙ୍କ ଉପଦ୍ରବ ଥମିିବାର ନାଁ ଧରୁନି। ୧୩ଟି ହାତୀ ମାସେରୁ ଅଧିକ ସମୟ ହେଲା ରାସଗୋବିନ୍ଦପୁର ବ୍ଲକର ସାରୁମଳା, ଅମରଦା, ଝାଟିଅଡା, ନାକିଚୁଆ ପଞ୍ଚାୟତର ବିଭିନ୍ନ ଗ୍ରାମରେ ବ୍ୟାପକ ଉପଦ୍ରବ କରିବା ସହିତ ଧନଜୀବନ ହାନୀ କରୁଛନ୍ତି। ବନବିଭାଗ ପକ୍ଷରୁ ସେମାନଙ୍କୁ ଘଉଡାଇବା ପାଇଁ ଉଦ୍ୟମ କରାଯାଉଥିଲେ ମଧ୍ୟ ସଫଳ ହୋଇ ପାରୁ ନାହାନ୍ତି। ଅଗଷ୍ଟ ମାସରେ ହାତୀ ଆକ୍ରମଣ ଯୋଗୁଁ ଅମରଦା ପଞ୍ଚାୟତର ଧୋବାକୁଣ୍ଡିଆ ଓ ଝାଟିଅଡା ପଞ୍ଚାୟତର ବିଶ୍ୱନାଥପୁର ଗ୍ରାମର ୨ଜଣଙ୍କର ମୃତ୍ୟୁ ଘଟିଥିବା ବେଳେ ସୋମବାର ଅମରଦା ପଞ୍ଚାୟତ ଦଳେଇଡିହ ଗ୍ରାମର ରାମ ହେମ୍ବ୍ରମ (୬୩) ହାତୀ ଆକ୍ରମଣ ଶିକାର ହୋଇ ମୃତ୍ୟୁବରଣ କରିଛନ୍ତି। ସୋମବାର ଧୋବାକୁଣ୍ଡିଆ ଜଙ୍ଗଲରେ ଥିବା ହାତୀପଲ ସନ୍ଧ୍ୟାରେ ଧୋବାକୁଣ୍ଡିଆ, ବାଉଁଶୁଳୀ ଗ୍ରାମ ଦେଇ ଦଳେଇଡିହ ଅଭିମୁଖେ ଅଗ୍ରସର ହୋଇଥିଲେ। ଉପରୋକ୍ତ ଗ୍ରାମର ଗ୍ରାମବାସୀ ଓ ବନବିଭାଗ କର୍ମଚାରୀ ହାତୀପଲକୁ ଘଉଡାଇବା ପାଇଁ ଉଦ୍ୟମ କରିଥିଲେ। ଭୋର ସମୟରେ ହାତୀପଲ ଜଙ୍ଗଲ ଅଭିମୁଖେ ଯାଉଥିବା ବେଳେ ଦଳେଇଡିହ ଗ୍ରାମର ରାମ ହେମ୍ବ୍ରମଙ୍କ ଘର ଉପରେ ଆକ୍ରମଣ କରିଥିଲେ। ହାତୀ ଘର ଅଭିମୁଖେ ଆସୁଥିବା ଜାଣିପାରି ପ୍ରାଣବିକଳରେ ପରିବାର ଲୋକମାନେ ଦୌଡି ପଳାଇ ଯାଇଥିବା ବେଳେ ଘର ପିଣ୍ଡାରେ ଶୋଇଥିବା ୬୩ ବର୍ଷର ବୃଦ୍ଧ ରାମ ହେମ୍ବ୍ରମଙ୍କୁ ହାତୀ ଶୁଣ୍ଢରେ ଟେକି କଚାଡି ମାରି ଦେଇଥିଲା। ପରେ ହାତୀପଲ ଜଙ୍ଗଲ ଅଭିମୁଖେ ଚାଲିଯିବାରୁ ପରିବାର ଲୋକେ ବନବିଭାଗ ଓ ପୋଲିସକୁ ଖବର ଦେଇଥିଲେ। ଥାନା ଅଧିକାରୀ ରେଣୁବାଳା ସାହୁ, ଏସିଏଫ ଦିଲ୍ଲୀପ କୁମାର ବାରିକ ଘଟଣାସ୍ଥଳରେ ପହଞ୍ଚିଥିଲେ। ପୋଲିସ ରାମଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା। ପରେ ଶବ ସତ୍କାର ପାଇଁ ତାଙ୍କ