ବଇଣ୍ଡା,୧୭।୫(ଡି.ଏନ.ଏ.)-ଆଠମଲ୍ଲିକ ବ୍ଲକ ଠାକୁରଗଡ଼ ଥାନା ନିକଟସ୍ଥ ଲକ୍ଷ୍ମୀବଜାର ନିକଟରୁ ଶୁକ୍ରବାର ସକାଳେ ଏକ ବାଇକ (ନଂ.ଓଆର୧୯ଜେ୨୧୬୯) ଚୋରି ହୋଇଯାଇଛି। ଏ ନେଇ ବାଇକ ଚାଳକ ସାନହୁଲା ଗ୍ରାମର ବୁଲେଟ ବିହାରୀ ସାହୁ ଥାନାରେ ଅଭିଯୋଗ କରିଛନ୍ତି। ବୁଲେଟ ସକାଳେ ଠାକୁରଗଡ଼ ଗ୍ରାମ ସାପ୍ତାହିକ ହାଟକୁ ସୌଦା କିଣିବା ପାଇଁ ତାଙ୍କ ବାଇକ ଯୋଗେ ଆସିଥିଲେ। ବାଇକଟି ଠାକୁରଗଡ଼ ଡାକବଙ୍ଗଳା ରାସ୍ତାରେ ଥୋଇ ଦେଇଥିବାବେଳେ କିଛି ଦୁର୍ବୃତ୍ତ ଆସି ତାଙ୍କ ବାଇକର ଲକକୁ ଭାଙ୍ଗି ଚୋରି କରି ନେଇଯାଇଥିବା ଅଭିଯୋଗପତ୍ରରେ ଦର୍ଶାଯାଇଛି।