ଖୁଣ୍ଟୁଣୀ, ୨୯।୧୦(ଡି.ଏନ୍.ଏ.): କଟକ ଜିଲା ଖୁଣ୍ଟୁଣୀ ଥାନାଠାରୁ ମାତ୍ର ୩ଶହ ମିଟର ଦୂର ୫୫ ନମ୍ବର ଜାତୀୟ ରାଜପଥର ରାଧାକିଶୋରପୁର ଓଭରବ୍ରିଜ୍ ଉପରୁ ମଙ୍ଗଳବାର ୧୮ ଲକ୍ଷ ଟଙ୍କା ଲୁଟ୍ ହୋଇଛି। ଲୁଟ୍ର ଶିକାର ହୋଇଛନ୍ତି ଏକ ଘରୋଇ କମ୍ପାନୀର କର୍ମଚାରୀ ସନ୍ତୋଷ ରାଜ। ତାଙ୍କ ଘର ଢେଙ୍କାନାଳ କାଇମାଟି ଅଞ୍ଚଳରେ ବୋଲି ଜଣାପଡ଼ିଛି।
ପ୍ରକାଶ ଯେ, ସନ୍ତୋଷ ୧୮ ଲକ୍ଷ ଟଙ୍କାନେଇ ଢେଙ୍କାନାଳରୁ କଟକ ଅଭିମୁଖେ ଯାଇଥିଲେ। ରାଧାକିଶୋରପୁର ଓଭରବ୍ରିଜ୍ ନିକଟରେ ୨ଟି ବାଇକ୍ରେ ୪ ଲୁଟେରା ଆସି ସନ୍ତୋଷଙ୍କୁ ଅଟକାଇଥିଲେ। ତାଙ୍କୁ ଧମଚମକ ଦେଇ ଟଙ୍କା ବ୍ୟାଗ୍ ଓ ମୋବାଇଲ୍ ଫୋନ୍ ଛଡାଇ ନେଇଯାଇଥିଲେ। ଏ ନେଇ ସନ୍ତୋଷ ଖୁଣ୍ଟୁଣୀ ଥାନାରେ ଅଭିଯୋଗ କରିଛନ୍ତି। ଲୁଟେରାଙ୍କ ସମ୍ପର୍କରେ ଖୁବ୍ଶୀଘ୍ର ତଥ୍ୟ ମିଳିବ ବୋଲି ଥାନା ଆଇଆଇସି କହିଥିବା ଜଣାପଡ଼ିଛି।