ବାଲେଶ୍ୱର ଅଫିସ, ୩।୧୨-ବାଲେଶ୍ୱର ଜିଲାରେ ଥିବା ଥାଲାସେମିଆ ରୋଗୀଙ୍କୁ ଉନ୍ନତ ଚିକିତ୍ସା ଯୋଗାଇ ଦେବା ଲାଗି ସେମାନଙ୍କ ମାତାପିତାମାନେ ସୋମବାର ଜିଲା ମୁଖ୍ୟ ଚିକିତ୍ସାଳୟ ପରିସରରେ ଥିବା ରକ୍ତଭଣ୍ଡାର ସମ୍ମୁଖରେ ଆମରଣ ଅନଶନରେ ବସିଛନ୍ତି।
ଜିଲାରେ ୯୬୭ ଜଣ ଥାଲାସେମିଆ ରୋଗୀ ପ୍ରତିମାସ ରକ୍ତ ଗ୍ରହଣ କରୁଛନ୍ତି। ସେମାନଙ୍କୁ ରକ୍ତ ଦିଆଯିବା ବେଳେ ଠିକ୍ ଭାବରେ ବିଶୁଦ୍ଧିକରଣ କରାଯାଉ ନ ଥିବା ଅଭିଯୋଗ ହେଉଛି। ରକ୍ତଦାତାଙ୍କଠାରୁ ରକ୍ତ ଗ୍ରହଣ କରିବା ପୂର୍ବରୁ ମ୍ୟାଲେରିଆ, ସିଫିଲିସ୍, ହେପାଟାଇଟିସ୍-ବି, ହେପାଟାଇଟିସ୍-ସି, ଏଚ୍ଆଇଭିର ପରୀକ୍ଷା ହେଉନାହଁି। ଜିଲା ମୁଖ୍ୟ ଚିକିତ୍ସାଳୟରେ ସ୍ବତନ୍ତ୍ର ଭାବରେ ନାଆଟ କିମ୍ବା ଏଲ୍ଆଇଜା-୪ ପରୀକ୍ଷଣର ବ୍ୟବସ୍ଥା ନାହଁି। ସେହିପରି ରୋଗୀଙ୍କ ଲିଙ୍ଗ ଅନୁସାରେ ରକ୍ତ ନମୁନା ପରୀକ୍ଷା କରାଯାଉ ନାହଁି। ଫଳରେ ଫ୍ରେସ୍ ଏବଂ ପ୍ୟାକ୍ଡ଼ ବ୍ଲଡ଼ ରୋଗୀଙ୍କୁ ମିଳୁନାହଁି। ଫଳରେ ଦୂଷିତ ରକ୍ତ ଗ୍ରହଣ କରି ରୋଗୀଙ୍କ ଶରୀରର ଯକୃତ, ପ୍ଲିହା, ହୃତ୍ପିଣ୍ଡ ସବୁଥିରେ ଲୌହକଣିକା ଜମାଟ ବାନ୍ଧି ରହିଯାଇଥାଏ। ଫଳରେ ରୋଗୀମାନେ ବିଭିନ୍ନ ରୋଗରେ ଆକ୍ରାନ୍ତ ହେଉଛନ୍ତି। ମଧୁମେହ, ଥାଇରଏଡ୍ ଆଦି ବିଭିନ୍ନ ରୋଗରେ ପୀଡ଼ିତ ହୋଇଥାନ୍ତି। ସରକାର ଠିକ୍ ଡାକ୍ତରଙ୍କ ଦାରା ଚିକିତ୍ସା କଲେ ଏହି ପିଲାମାନେ ବହୁତ ଦିନ ପର୍ଯ୍ୟନ୍ତ ବଞ୍ଚତ୍ପାରିବେ। ସ୍ବତନ୍ତ୍ର ଡାକ୍ତର ଓ ନର୍ସ ସହ ଥାଲାସେମିଆ ରୋଗୀଙ୍କ ଯନତ୍ ନେବା ପାଇଁ କର୍ମୀଙ୍କ ଆବଶ୍ୟକତା ଅଛି। ଥାଲାସେମିଆ ରୋଗୀଙ୍କ ସଂଖ୍ୟା ହ୍ରାସ ଲାଗି ରାଜ୍ୟ ଓ କେନ୍ଦ୍ର ସରକାରଙ୍କ ପକ୍ଷରୁ ପ୍ରଚେଷ୍ଟା କଲେ ଏହାକୁ ରୋକାଯାଇପାରିବ। କିନ୍ତୁ ସରକାର ଏବଂ ସ୍ବାସ୍ଥ୍ୟ ବିଭାଗର ଉଦାସୀନତା ପାଇଁ ଏସବୁର ବ୍ୟବସ୍ଥା ସମ୍ଭବ ହୋଇପାରୁନାହଁି। ଏହାର ପ୍ରତିବାଦରେ ‘ଆଚ୍ଛା’ସଙ୍ଗଠନର ସଭାପତି ବିସ୍ମିତ ରଞ୍ଜନ ଦାସ, ଉପସଭାପତି ସରିତା ସାହୁ, ରାକେଶ କୁମାର ଶିଅଳ, ଆଦ୍ୟାଶା ଚଣ୍ଡ, ରୋଗୀଙ୍କ ମାତାପିତା ଉଦୟଭାନୁ ନାୟକ, ପ୍ରଭାକର ନାୟକ, ପୁଷ୍ପାଞ୍ଜଳି ନାୟକ, ନିର୍ମଳା ସିଂ, ମମତା ସାହୁ, ସୁକାନ୍ତି ପାତ୍ର, ମଞ୍ଜୁଲତା ଦାସ, ସୁଷମା ବେହେରା, ବାସନ୍ତି ନାୟକ, ନିର୍ମଳା ନାୟକ, ଜ୍ୟୋତ୍ସ୍ନା ଥାପ୍ପା, ସବିତା ମାହାର୍ଣ୍ଣା, ସନ୍ତୋଷ କୁମାର ଜେନା ଆମରଣ ଅନଶନରେ ବସିଥିଲେ। ୧୦୦ରୁ ଉର୍ଦ୍ଧ୍ୱ ଥାଲାସେମିଆ ରୋଗୀଙ୍କ ମାତାପିତା ସମର୍ଥନ ଜଣାଇ ସହଯୋଗ କରିଥିବାର ଜଣାପଡ଼ିଛି।