ନୂଆଦିଲ୍ଲୀ,୨୪।୭: ଦକ୍ଷତା ବିକାଶ ଏବଂ ଔଦ୍ୟୋଗିକତା ମନ୍ତ୍ରଣାଳୟ ପକ୍ଷରୁ କୌଶଳ ପକ୍ଷ ପାଳନ କରାଯାଉଛି। ଏହା ଚଳିତ ମାସ ୧୬ରୁ ୩୧ ଯାଏ ଅନୁଷ୍ଠିତ ହେବ। ବିଶ୍ୱ କୌଶଳ ଦିବସ ଅବସରରେ କେନ୍ଦ୍ର ମନ୍ତ୍ରୀ ଡ.ମହେନ୍ଦ୍ରନାଥ ପାଣ୍ଡେ ଏହି କାର୍ଯ୍ୟକ୍ରମକୁ ଶୁଭାରମ୍ଭ କରିଛନ୍ତି। ଯୁବଗୋଷ୍ଠୀଙ୍କୁ ସାମିଲ ସହ ପାଓ୍ବାର ସ୍କିଲ ଅଭିଯାନକୁ ସାରା ଦେଶରେ ବିସ୍ତାର କରିବା ଏହି ପଦକ୍ଷେପର ଲକ୍ଷ୍ୟ। ମନ୍ତ୍ରଣାଳୟ ପକ୍ଷରୁ ପାକ୍ଷିକ ଉତ୍ସବ, ସଚେତନତା ଅଭିଯାନ, କୌଶଳ ମେଳା, ପ୍ରତିଯୋଗିତା,କର୍ମଶାଳା, ଭ୍ରାମ୍ୟମାଣ ଶିବିର ଏବଂ ଅନ୍ୟାନ୍ୟ କାର୍ଯ୍ୟକ୍ରମ ହାତକୁ ନିଆଯାଇଛି। ବର୍ତ୍ତମାନ ସମୟରେ କୌଶଳ ବିକାଶ ଦିଗରେ ସଚେତନତା ବୃଦ୍ଧି ଲାଗି ଏଭଳି କାର୍ଯ୍ୟକ୍ରମ ହାତକୁ ନିଆଯାଇଥିବା କେନ୍ଦ୍ର ମନ୍ତ୍ରୀ ଡ.ମହେନ୍ଦ୍ରନାଥ ପାଣ୍ଡେ କହିଛନ୍ତି।