ସାଉଥାମ୍ପଟନ,୩।୬(ପି.ଟି.)-ଚଳିତ ବିଶ୍ୱକପ୍ରେ ଦକ୍ଷିଣ ଆଫ୍ରିକା ଦଳର ଚିନ୍ତା ବଢ଼ିବାରେ ଲାଗିଛି। ପ୍ରଥମ ଦୁଇ ମ୍ୟାଚ୍ ପରାସ୍ତ ହୋଇଥିବା ଫାଫ୍ ଡୁପ୍ଲେସିଙ୍କ ଦଳ ୩ୟ ମ୍ୟାଚ୍ରେ ବୁଧବାର ଭାରତକୁ ଭେଟିବ। ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍ ପୂର୍ବରୁ ଦଳର ଯୁବ ପେସର ଲୁନ୍ଗି ଏନ୍ଗିଡି ଆହତ ହୋଇ ବାଦ୍ ପଡ଼ିଛନ୍ତି। ବାଂଲାଦେଶ ବିପକ୍ଷ ମ୍ୟାଚ୍ରେ ତାଙ୍କ ବାମଗୋଡ଼ର ମାଂସପେଶୀ ଟାଣି ହୋଇଯାଇଛି। ଏଣୁ ସେ ମାତ୍ର ୪ ଓଭର ବୋଲିଂ କରିପାରିଥିଲେ। ଆହତ ସମସ୍ୟା ଯୋଗୁ ତାଙ୍କୁ ୧୦ଦିନ ବିଶ୍ରାମ ଦେବାକୁ ନିଷ୍ପତ୍ତି ନିଆଯାଇଛି ବୋଲି ଟିମ୍ ଡକ୍ଟର ମହମ୍ମଦ ମୁସାଜି କହିଛନ୍ତି। ସମାନ ଆହତ ସମସ୍ୟା ଯୋଗୁ ସେ ଆଇପିଏଲ୍ରେ ଅଂଶଗ୍ରହଣ କରିପାରି ନ ଥିଲେ। ଏନ୍ଗିଡିଙ୍କ ଅନୁପସ୍ଥିତିରେ ଡେଲ୍ ଷ୍ଟେଇନ ଭାରତ ବିପକ୍ଷ ମ୍ୟାଚ୍ରେ ଖେଳିବା ବିଶେଷ ସମ୍ଭାବନା ରହିଛି। ସେ ଏବେ ନେଟ୍ସରେ ବୋଲିଂ ଆରମ୍ଭ କରିଛନ୍ତି। ସେହିଭଳି ଓପନର ହାସିମ ଅମଲା ମଧ୍ୟ ଫିଟ୍ ଅଛନ୍ତି।
