ନୂଆଦିଲ୍ଲୀ,୨୦।୭: ଦଙ୍ଗା ଏବଂ ଭିଡ଼ ହିଂସା ଆଦି ପାଇଁ ନିୟୋଜିତ ହେଉଥିବା ମହିଳା ସୁରକ୍ଷାକର୍ମୀଙ୍କୁ ସୁରକ୍ଷା ଚିନ୍ତା ଏବେ ସରକାରଙ୍କୁ ଘାରିଛି। ସେମାନଙ୍କୁ ବଡ଼ି ଗିୟର ଯୋଗାଇ ଦିଆଯିବ। ଜମ୍ମୁ-କଶ୍ମୀରର ଶ୍ରୀନଗରରେ ମୁତୟନ ଥିବା ସିଆର୍ପିଏଫ୍ର ୩ଶହ ମହିଳା ସୁରକ୍ଷାକର୍ମୀଙ୍କୁ ବଡ଼ି ଗିୟର ମିଳିବ। ରକ୍ଷା ଅନୁସନ୍ଧାନ ଓ ବିକାଶ ସଂଗଠନ(ଡିଆର୍ଡିଓ)ପକ୍ଷରୁ ଏହାକୁ ତିଆରି କରାଯିବ। ଏହାଦ୍ୱାରା ମହିଳା ସୁରକ୍ଷାକର୍ମୀଙ୍କ ସୁରକ୍ଷାକୁ ନିଶ୍ଚିତ କରାଯାଇପାରିବ ବୋଲି ଡିଆଇପିଏଏସ୍ ନିର୍ଦ୍ଦେଶକ ଭୁବନେଶ୍ କୁମାର ସୂଚନା ଦେଇଛନ୍ତି। ଏହାର ଡିଜାଇନିଂରେ ଏନ୍ଥ୍ରୋପୋମୋଟ୍ରିକ୍ ଡାଟାର ଉପଯୋଗ କରାଯାଉଛି ବୋଲି ବଡି ଗିୟର ପ୍ରସ୍ତୁତ କରୁଥିବା ବିଶେଷଜ୍ଞ ଦଳର ମୁଖ୍ୟ ଶ୍ୱେତା ରାଓ୍ବତ କହିଛନ୍ତି।
