ବଲାଙ୍ଗୀର ଅଫିସ,୧୫ା୧ – ଜିଲା ଲେଖକ ପରିଷଦ ପକ୍ଷରୁ ଆୟୋଜିତ ବଲାଙ୍ଗୀର ବହିହାଟ ଷଷ୍ଠ ସନ୍ଧ୍ୟାରେ ଲୋକ ସାହିତ୍ୟ ଆଲୋଚନାକ୍ରମରେ ଦଣ୍ଡନୃତ୍ୟ ସମ୍ପର୍କରେ ଆଲୋଚନାଚକ୍ର ଅନୁଷ୍ଠିତ ହୋଇଥିଲା ା ନାଟ୍ୟଭୂଷଣ ଜଗଦାନନ୍ଦ ଛୁରିଆଙ୍କ ସଭାପତିତ୍ୱରେ ଅନୁଷ୍ଠିତ ଆଲୋଚନାଚକ୍ରରେ ଆଲୋଚକଭାବେ ନାଟ୍ୟଶ୍ରୀ ଗଦାଧର ବାରିକ, ଗୁରୁଶ୍ରୀ ଡ ଘାସିରାମ ମିଶ୍ର, ମନୋରଞ୍ଜନ ସାହୁ, ମୁରଲୀଧାରୀ ପତି, ଅଧ୍ୟାପକ ଡ ଲକ୍ଷ୍ମଣ କୁମାର ମେହେର ଓ ପରିଷଦ ସୋନପୁର କାର୍ଯ୍ୟନିର୍ବାହୀ ସଦସ୍ୟ ଦିଲୀପ ପାତ୍ର ମଞ୍ଚାସୀନ ହୋଇଥିଲେ ା ସଭା ପ୍ରାରମ୍ଭରେ ପରିଷଦ ସମ୍ପାଦକ କପିଳେଶ୍ୱର ଖମାରୀ ସ୍ବାଗତ ବକ୍ତବ୍ୟ ଦେଇଥିଲେ ା ସଭାପତି ମଳୟ ମିଶ୍ର ଅତିଥି ପରିଚୟ ପ୍ରଦାନ କରିଥିଲେ ା ଆଲୋଚକମାନେ ଲୋକ ସାହିତ୍ୟରେ ଦଣ୍ଡନୃତ୍ୟର ଭୂମିକା ସମ୍ପର୍କରେ ଆଲୋଚନା କରିବାକୁ ଯାଇ ଦଣ୍ଡର ଉପତ୍ତ୍ତି, କ୍ରମବିକାଶ ଏବଂ ସ୍ଥିତି ପ୍ରଗତି ସମ୍ପର୍କରେ ଆଲୋଚନା କରିଥିଲେ ା ଦଣ୍ଡନୃତ୍ୟର ପ୍ରକାର ଭେଦ ଓ ଗ୍ରାମୀଣ ଜନଜୀବନରେ ଏହାର ପ୍ରଭାବ ସମ୍ପର୍କରେ ଆଲୋଚନା କରିଥିଲେ ା ଦଣ୍ଡନୃତ୍ୟକୁ ଗ୍ରାମୀଣ ସାଂସ୍କୃତିକ ବିଭବ ଭାବେ ବର୍ଣ୍ଣନା କରି ଦଣ୍ଡନୃତ୍ୟ କଳାତ୍ମକତା ଏବଂ ପ୍ରଭାବଶାଳୀ ଲୋକ ଆବେଦନ ସମ୍ପର୍କରେ ଆଲୋଚନା କରିଥିଲେ ା ନାଟ୍ୟଶ୍ରୀ ବାରିକ ଷୋଳ ସୁଆଙ୍ଗ ଦଣ୍ଡ ଉପରେ କହିଥିଲେ ା ଆଲୋଚନ ଡ ମେହେର ଲୋକ ସାହିତ୍ୟ ବିକାଶ କ୍ରମରେ ଦଣ୍ଡନୃତ୍ୟର କ୍ରମବିକାଶ ଉପରେ କହିଥିଲେ ା ଗୁରୁଶ୍ରୀ ଡ ମିଶ୍ର ଦଣ୍ଡନୃତ୍ୟର ସଙ୍ଗୀତ ଓ ସାହିତ୍ୟ ଉପରେ କହିଥିଲେ ା ଆଲୋଚକ ପାତ୍ର ଦଣ୍ଡନୃତ୍ୟର ପ୍ରକାର ଭେଦ ଉପରେ କହିଥିବାବେଳେ ମୁରଲୀଧାରୀ ପତି ତାଙ୍କ ବକ୍ତବ୍ୟରେ ଦଣ୍ଡନୃତ୍ୟର ଗୀତ ସାହିତ୍ୟ ଉପରେ ଆଲୋଚନା କରିଥିଲେ ା ଆଲୋଚକ ମନୋରଞ୍ଜନ ସାହୁ ଦଣ୍ଡନୃତ୍ୟରେ ରସିକତା ଉପରେ କହିଥିଲେ ା ସଭାପତୀୟ ଅଭିଭାଷଣରେ ନାଟ୍ୟଭୂଷଣ ଛୁରିଆ ଦଣ୍ଡନୃତ୍ୟରେ ଗ୍ରାମୀଣ ଜନଜୀବନର ନିଛକ ଅଭିବ୍ୟକ୍ତି, ଅର୍ଦ୍ଧନାରୀଶ୍ୱର ଚେତନା ଓ ସରଳ ମଣିଷର ସାଂସ୍କୃତିକ ଉଚ୍ଚାଙ୍ଗ ସାହିତ୍ୟ ଓ ସଙ୍ଗୀତବୋଧ ଉପରେ ମତବ୍ୟକ୍ତ କରିଥିଲେ ା ସଭା ପରେ ଅପରାହ୍ଣରେ ଅନୁଷ୍ଠିତ କୌତୁକ ପୋଷାକ ପ୍ରତିଯୋଗିତାର କୃତୀ ପ୍ରତିଯୋଗୀଙ୍କୁ ଅତିଥିମାନେ ପୁରସ୍କୃତ କରିଥିଲେ ା କୌତୁକ ପ୍ରତିଯୋଗିତା ଜୁନିଅର ବିଭାଗରେ ଓମ୍ ଅମୃତ ମହାନ୍ତି ପ୍ରଥମ, ରିୟାନ ମହାନ୍ତି ଦ୍ୱିତୀୟ, ଅଂଶୁମାନ୍ ମିଶ୍ର ଓ ସ୍ବସ୍ତିକ ପାଢ଼ୀ ତୃତୀୟ ସ୍ଥାନ ଅଧବକାର କରିଥିଲେ ା ସିନିଅର ବିଭାଗରେ ଐସିସ୍ ପଣ୍ଡା, ପ୍ରଥମ, ସମ୍ପ୍ରାନ୍ତ ପଟ୍ଟନାୟକ ଦ୍ୱିତୀୟ ଓ ବିନ୍ଦିଆ ମିଶ୍ର ତୃତୀୟ ସ୍ଥାନ ଅଧିକାର କରିଥିଲେ ା
