ଭଟଲି, ୪।୭(ଡି.ଏନ.ଏ) : ପଶ୍ଚିମୋକତ୍ଳ ଶ୍ରୀକ୍ଷେତ୍ର ଭାବେ ଅଭିହିତ ବରଗଡ଼ ଜିଲା ଭଟଲିର ଶ୍ରୀ ଶ୍ରୀ ଦଧିବାମନ ଧାମରେ ପ୍ରସିଦ୍ଧ ରଥଯାତ୍ରା ଗୁରୁବାର ସମାରୋହରେ ଅନୁଷ୍ଠିତ ହୋଇଯାଇଛି । ଜଗତର କର୍ତ୍ତା ମହାପ୍ରଭୁ ଦଧିବାମନ ଶ୍ରୀମନ୍ଦିରସ୍ଥ ରତ୍ନ ସିଂହାସନ ଛାଡ଼ି ରଥାଋଢ଼ ହୋଇ ଗୁଣ୍ଡିଚା ମନ୍ଦିର ଅଭିମୁଖେ ଯାତ୍ରା କରିଛନ୍ତି । ଏଥିପାଇଁ ପ୍ରତ୍ୟୁଷରୁ ପ୍ରଭୁଙ୍କ ଦୈନିକ ପୂଜାନୀତି ସମ୍ପନ୍ନ ହେବା ପରେ ସାହାଣମେଳା ହୋଇଥିଲା । ଏହାପରେ ଦଧିବାମନଙ୍କ ଘୋଷଯାତ୍ରା ପାଇଁ ପହଣ୍ଡିପୂଜା ଆରମ୍ଭ ହୋଇଥିଲା । ପହଣ୍ଡିପୂଜା ପରେ ମଙ୍ଗଳାର୍ପଣ ଶେଷ ହେବା ସହିତ ଭଟଲି ଗୌନ୍ତିଆଙ୍କ ଦ୍ୱାରା ଛେରାପହଁରା କରାଯାଥିଲା । ଏହାପରେ ଦଧିବାମନ ବଡ଼ଦାଣ୍ଡକୁ ବିଜେ କରିଥିଲେ । ମହାପ୍ରଭୁଙ୍କୁ ପୁରୋହିତମାନେ ଦୋଳିରେ ଝୁଲାଇ ଝୁଲାଇ ଶ୍ରୀମନ୍ଦିରରୁ ରଥ ନିକଟକୁ ପହଣ୍ଡ କରି ଆଣିଥିଲେ । ଦଧିବାମନ ରଥାରୋହଣ ହେବା ପରେ ତାଙ୍କୁ ବେଶ କରି ପୂଜାପାଠ ସହ ମଙ୍ଗଳ ଆଳତୀ କରାଯାଇଥିଲା । ଆଳତୀ ପରେ ନବଜନ୍ମିତ ଶିଶୁ ମାନଙ୍କ ପରମ୍ପରା ଅନୁଯାୟୀ ରଥଛୁଆଁ ଯାଇଥିଲା । ପରେ ରଥରେ ଘୋଡ଼ା ଯୋଚାହୋଇ ରଥ ଗୁଣ୍ଡିଚା ମନ୍ଦିର ଅଭିମୁଖେ ଯାତ୍ରା କରିଥିଲା । ଶ୍ରଦ୍ଧାଳୁ ଭକ୍ତଙ୍କ ସୁରକ୍ଷାକୁ ଦୃଷ୍ଟିରେ ରଖି ବ୍ୟାପକ ପରିମାଣର ପୋଲିସ କର୍ଡ଼ନ ମଧ୍ୟରେ ରଥଟଣା ହୋଇଥିଲା । ରଥ ପ୍ରାୟ ୪ଟାରେ ରଥ ପଡ଼ିଆରେ ପହଞ୍ଚତ୍ଥିଲା । ପଡ଼ିଆରେ ରଥ ପହଞ୍ଚତ୍ବା ପରେ ରଥ ଉପରେ ପ୍ରଭୁଙ୍କ ମଙ୍ଗଳ ଆଳତୀ କରାଯାଇଥିଲା। ଏହି ରଥଯାତ୍ରା ଦେଖିବା ପାଇଁ ବରଗଡ଼, ସମ୍ବଲପୁର, ଝାରସୁଗୁଡ଼ା, ସୁନ୍ଦରଗଡ଼, ରାଉଲକେଲା, ବଲାଙ୍ଗୀର, ସୁବର୍ଣ୍ଣପୁର, ସମେତ ପଡ଼ୋଶୀ ଛତିଶଗଡ ରାଜ୍ୟର ରାୟଗଡ଼, ରାୟପୁର, ବିଳାସପୁର, ବୈସନା, ଭିଲାଇ ଓ ମଧ୍ୟପ୍ରଦେଶ ଆଦି ସ୍ଥାନରୁ ଭକ୍ତଙ୍କ ସମାଗମ ହୋଇଥିଲା । ଏସ୍ଡିପିଓ ନବଟ୍ କିରୋ, ଭଟଲି ଥାନା ଭାରପ୍ରାପ୍ତ ଅଧିକାରୀ ଦିଲୀପ କୁମାର ବେହେରା, ଅମ୍ବାଭୋନା ଥାନା ଭାରପ୍ରାପ୍ତ ଅଧିକାରୀ ଆଲୋକ ବେହେରା, ଇନ୍ସପେକ୍ଟର ଠାକୁର ଦାଶ ମୁର୍ମୁ, ସନୟ ନାଏକ, ଏସ୍. କେ. ବଲିୟାର ସିଂ ପ୍ରମୁଖ ପୋଲିସ ଅଧିକାରୀ ଉପସ୍ଥିତ ରହି ଆଇନଶୃଙ୍ଖଳା ରକ୍ଷା କରିଥିଲେ । ବରଗଡ଼ ଉପଜିଲାପାଳ ଦେବେନ୍ଦ୍ର କୁମାର ନନ୍ଦ, ଭଟଲି ବିଡିଓ ଧିରେନ୍ଦ୍ର ସେଠୀ, ଭଟଲି ତହସିଲଦାର ଅଞ୍ଜଳିନା ପଧାନ, ଅମ୍ବାଭୋନା ଅତିରିକ୍ତ ତହସିଲଦାର ରାମକୃଷ୍ଣ ପଣ୍ଡା ପ୍ରମୁଖ ମାଜିଷ୍ଟ୍ରେଟ ଦାୟିତ୍ୱରେ ରହିଥିଲେ। ଏହାସହିତ ମନ୍ତ୍ରୀ ସୁଶାନ୍ତ ସିଂ, ଜିଲାପାଳ ଇନ୍ଦ୍ରମଣି ତ୍ରିପାଠୀ, ଭଟଲି ବ୍ଲକ ଉପାଧ୍ୟକ୍ଷ ମଦନ ସାହୁ ଓ ଜିଲାପରିଷଦ ସଭ୍ୟ ନିତ୍ୟାନନ୍ଦ ପ୍ରଧାନ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ବରଗଡ଼ ଜିଲା ଆଦିତ୍ୟ ବାହିନୀ ପକ୍ଷରୁ ତୁଳସୀ ସେବା ଯୋଗାଇ ଦିଆଯାଇଥିଲା। ସେହିପରି କୁଶନପୁରୀ ଗ୍ରାମରେ ମଧ୍ୟ ଶ୍ରୀଜୀଉଙ୍କ ଘୋଷଯାତ୍ରା ସମ୍ପନ୍ନ ହୋଇଛି ।