ମୁମ୍ବାଇ: ଜି୫ର ବହୁ ପ୍ରତିକ୍ଷିତ ଥ୍ରିଲର ‘ଦ କାସିନୋ’ ରିଲିଜ ହୋଇ ସାରିଛି। ଏହି ଓ୍ବେବ ସିରିଜକୁ ଦର୍ଶକେ ବେଶ୍ ପସନ୍ଦ କରୁଥିବା ଦେଖାଯାଇଛି। କେବଳ ସାଧାରଣ ଦର୍ଶକ ନୁହେଁ ବରଂ ଟେଲିଭିଜନ ଓ ବଲିଉଡ୍ କଳାକାରମାନେ ମଧ୍ୟ ଏହି ଶୋ’ର ଖୁବ୍ ପ୍ରଶଂସା କରୁଥିବା ଦେଖାଯାଇଛି। ବଲିଉଡ୍ କଳାକାର ସୁନିଲ ସେଟ୍ଟି ନିକଟରେ ସୁଧାଂଶୁ ପାଣ୍ଡେଙ୍କ ପ୍ରଶଂସା କରି ଲେଖିଛନ୍ତି, ଅଲ୍ ଦ ବେଷ୍ଟ, ଲୁକିଂ ଗୁଡ୍। ଏହାପରେ ନିଲ ନିତିନ ମୁକେଶ ମଧ୍ୟ ସୁଧାଂଶୁ ପାଣ୍ଡେଙ୍କ ପ୍ରଶଂସା କରିଛନ୍ତି। ଏହାସହ ଭାରତି ସିଂ ଓ ଗୀତା କପୁର ମଧ୍ୟ ଏହି ଶୋ’କୁ ଦେଖିବାକୁ ଅପିଲ କରିଛନ୍ତି। ଏଥିରୁ ସ୍ପଷ୍ଟ ହେଉଛି କି ଓ୍ବେବ ସିରିଜ ‘ଦ କାସିନୋ’କୁ ଭଲ ରେସ୍ପନ୍ସ ମିଳିଛି। ଏହି ଶୋ’ର ମୁଖ୍ୟ ଭୂମିକାରେ ଅଛନ୍ତି କରଣବୀର ବୋହରା, ସୁଧାଂଶୁ ପାଣ୍ଡେ, ମନ୍ଦାନା କରିମି। ଏହାର ନିର୍ଦ୍ଦେଶନା ଓ ପ୍ରଯୋଜନା ଭାର ସମ୍ଭାଳିଛନ୍ତି ହାର୍ଦ୍ଦିକ ଗଜ୍ଜର। ଏହା ଜି୫ରେ ରିଲିଜ୍ ହୋଇଛି।