ବେଙ୍ଗାଲୁରୁ,୧୮ା୯: କର୍ନାଟକର ଦଳିତ ଏମ୍ପି ଏ. ନାରାୟଣସ୍ବାମୀଙ୍କୁ ତାଙ୍କ ସଂସଦୀୟ କ୍ଷେତ୍ରର ଏକ ଗାଁରେ ଗୋଲ୍ଲା (ଓବିସି) ସମ୍ପ୍ରଦାୟର ଲୋକେ ପୂରାଇଦେଲେ ନାହିଁ। ଚିତ୍ରଦୁର୍ଗ ଆସନରୁ ପ୍ରତିନିଧିତ୍ୱ କରୁଥିବା ନାରାୟାଣସ୍ବାମୀ ନିମ୍ନଜାତିର ହୋଇଥିବାରୁ ତାଙ୍କୁ ଅସ୍ପୃଶ୍ୟ କହି ଗାଁ ଲୋକେ ଘଉଡ଼ାଇଦେଇଛନ୍ତି।
ଭାଜପା ଏମ୍ପି ନାରାୟଣସ୍ବାମୀ ସୋମବାର ଏକ ଫାର୍ମା କମ୍ପାନୀର ଡାକ୍ତରୀ ଦଳ ଓ ଅନ୍ୟ ଅଧିକାରୀଙ୍କ ସହ ମିଶି ଟୁମୁକୁର ଜିଲା ପ୍ରଭାଗଡ଼ସ୍ଥିତ ଗୋଲ୍ଲାରାହାଟ୍ଟି ଗ୍ରାମକୁ ଯାଇଥିଲେ। ହେଲେ ଗାଁକୁ କେବେ ଦଳିତ କିମ୍ବା ଛୋଟ ଜାତିର ଲୋକ ପ୍ରବେଶ କରି ନ ଥିବା କହି ଗୋଲ୍ଲା ସମ୍ପ୍ରଦାୟର ଲୋକେ ତାଙ୍କୁ ଅପମାନିତ କରିଥିଲେ। ଏଥିସହ ତାଙ୍କୁ ସେଠାରୁ ଫେରିଯିବାକୁ କହିଥିଲେ। କିଛି ସମୟର ଯୁକ୍ତିତର୍କ ପରେ ନାରାୟଣସ୍ବାମୀ ସେଠାରୁ ନିଜ କାର୍ରେ ଫେରିଯାଇଥିଲେ। ଏମ୍ପିଙ୍କୁ ନିର୍ଦ୍ଦିଷ୍ଟ ଭାବେ କିଏ ଗାଁରେ ପୂରାଇ ଦେଲେନାହିଁ ସେନେଇ ପୋଲିସ ତଦନ୍ତ ଚଳାଇଥିବା ଏସ୍ପି ସୂଚନା ଦେଇଛନ୍ତି।