ମଦୁରାଇ,୧୪।୧୦: ତାମିଲ୍ନାଡୁରେ ଏକ ଅଭାବନୀୟ ଘଟଣା ଘଟିଛି। ମଦୁରାଇର ଏକ ସ୍କୁଲରେ ଜଣେ ଦଳିତ ଛାତ୍ରଙ୍କ ବେକ ପଛପଟୁ ଅଣ୍ଟା ପର୍ଯ୍ୟନ୍ତ ଜଣେ ସହପାଠୀ ବ୍ଲେଡ୍ରେ କାଟି ଦେଇଛନ୍ତି। ୯ମରେ ପଢୁଥିବା ଦଳିତ ଛାତ୍ରଙ୍କ ସ୍କୁଲ୍ ବ୍ୟାଗ୍ ଜଣେ ସହପାଠୀ ଲୁଚାଇ ଦେଇଥିଲେ। ସେ ସମ୍ପୃକ୍ତ ସହପାଠୀଙ୍କୁ ବ୍ୟାଗ୍ ମାଗିବାରୁ ସେ ଦଳିତ ଛାତ୍ରଙ୍କ ପ୍ରତି ଆପତ୍ତିଜନକ ମନ୍ତବ୍ୟ ଦେବା ସହିତ ଉତ୍କ୍ଷିପ୍ତ ହୋଇ ବ୍ଲେଡ୍ରେ ଏଭଳି କରିଥିଲେ। ସ୍କୁଲ କର୍ତ୍ତୃପକ୍ଷ ଆହତ ଛାତ୍ରଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିଥିଲେ। ଛାତ୍ର ଜଣକ ସ୍ବାସ୍ଥ୍ୟାବସ୍ଥା ସମାନ୍ୟ ଥିବା ହସ୍ପିଟାଲ ପକ୍ଷରୁ ସୂଚନା ଦିଆଯାଇଛି। ଅଭିଯୁକ୍ତ ଛାତ୍ରଙ୍କ ବିରୋଧରେ ପୋଲିସ ମାମଲା ରୁଜୁ କରିଛି। ଏନେଇ ଅଧିକ ତଦନ୍ତ ଜାରି ରହିଛି।