ଲକ୍ଷ୍ନୌ,୨୪ା୭(ପି.ଟି.): ଉତ୍ତରପ୍ରଦେଶର ବାରାବାଙ୍କି ଜିଲାରେ ଜଣେ ଦଳିତ ଯୁବକ ବୁଲା କୁକୁରଙ୍କ ପ୍ରାଦୁର୍ଭାବରୁ ବଞ୍ଚତ୍ବା ପାଇଁ ଏକ ଘରେ ପଶିଯାଇଥିବାବେଳେ ତାଙ୍କୁ ଚୋର ମନେକରି ଜାଳି ଦିଆଯାଇଥିଲା। ସୁଜିତ କୁମାର ନାମକ ଉକ୍ତ ୨୮ ବର୍ଷୀୟ ଯୁବକଙ୍କ ଶରୀରର ୪୦% ପୋଡ଼ିଯାଇଥିବାବେଳେ ଲକ୍ଷ୍ନୌସ୍ଥିତ ଶ୍ୟାମାପ୍ରସାଦ ମୁଖାର୍ଜୀ ସିଭିଲ୍ ହସ୍ପିଟାଲରେ ସୋମବାର ତାଙ୍କର ମୃତ୍ୟୁ ଘଟିଛି। ଗତ ୧୯ ତାରିଖ ରାତି ୨ଟାରେ ସୁଜିତ ଦେବା ଅଞ୍ଚଳର ରାଘୋପୁରସ୍ଥିତ ତାଙ୍କ ଶ୍ୱଶୁର ଘରକୁ ଯାଉଥିବାବେଳେ ରାସ୍ତାରେ କୁକୁରମାନେ ତାଙ୍କୁ ଦେଖି ଭୁକିବାରେ ଲାଗିଥିଲେ। ସେ ବର୍ତ୍ତିଯିବା ପାଇଁ ଏକ ଘରକୁ ପଶିଯାଇଥିଲେ। ଘର ମାଲିକ ଚୋର ଭାବି ମାଡ଼ ମାରିବା ପରେ ତାଙ୍କ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଇଥିଲେ। ପୋଲିସ ଏନେଇ ୪ ଜଣଙ୍କ ବିରୋଧରେ ମାମଲା ରୁଜୁ କରିବା ସହ ଶ୍ରବଣ ଯାଦବ ଓ ଉମେଶ ଯାଦବଙ୍କୁ ଗତ ସପ୍ତାହରେ ଗିରଫ କରିଥିଲା। ପରେ ଅନ୍ୟ ଦୁଇ ଅଭିଯୁକ୍ତଙ୍କୁ ଗିରଫ କରି ତଦନ୍ତ ଚଳାଇଛି।