ବାଲିକୁଦା, ୨୯।୨ (ସ୍ବ.ପ୍ର.): ବାଲିକୁଦା ବ୍ଲକ ବଡ଼ଗାଁ ପଞ୍ଚାୟତର କଂଗ୍ରେସ ସମର୍ଥତ୍ତ ସରପଞ୍ଚ ନୀହାରିକା ବିଶ୍ୱାଳ ଶୁକ୍ରବାର ଶତାଧିକ ସମର୍ଥକଙ୍କ ସହ ବିଜେଡିରେ ଯୋଗଦେଇଛନ୍ତି। ଏ ନେଇ ସ୍ଥାନୀୟ କରକେଇ ପୀଠଠାରେ ଅନୁଷ୍ଠିତ ମିଶ୍ରଣ ପର୍ବରେ ଜିଲାପରିଷଦ ସଭ୍ୟ ରାମଚନ୍ଦ୍ର ମହାନ୍ତି ଅଧ୍ୟକ୍ଷତା କରିଥିଲେ। ସଭାରେ ସୂଚନା ଓ ଲୋକସମ୍ପର୍କ ମନ୍ତ୍ରୀ ରଘୁନନ୍ଦନ ଦାସ, ପଞ୍ଚାୟତ ସମିତି ଅଧ୍ୟକ୍ଷା ମଧୁସ୍ମିତା ସାହୁ, ଏରସମା ପଞ୍ଚାୟତ ସମିତି ଅଧ୍ୟକ୍ଷ ପ୍ରଣବ ସ୍ବାଇଁ, ବାଲିକୁଦା ବ୍ଲକ ବିଜେଡି ସଭାପତି ରତ୍ନାକର ନାୟକ, ବଡ଼ଗାଁ ପଞ୍ଚାୟତ ବିଜେଡି ସଭାପତି ଉପେନ୍ଦ୍ର ନାଥ ବିଶ୍ୱାଳ, ସମିତିସଭ୍ୟା ସୁଚିସ୍ମିତା ପଟ୍ଟନାୟକ, ବ୍ଲକ ବିଜେଡି କୃଷକ ମୋର୍ଚ୍ଚା ସଭାପତି ସନ୍ତୋଷ ରାୟ, ଛାତ୍ର ବିଜେଡି ସଭାପତି କମଳ କିରଣ ବିଶ୍ୱାଳ ଉପସ୍ଥିତ ଥିଲେ। ଏହି ଅବସରରେ ମନ୍ତ୍ରୀ ଦାସ ସରପଞ୍ଚ ବିଶ୍ୱାଳଙ୍କୁ ପୁଷ୍ପମାଲ୍ୟ ଦେଇ ସ୍ବାଗତ କରିଥିଲେ। କଂଗ୍ରେସ କର୍ମୀ ଭୋଳିନାଥ ନାୟକ, ଭକ୍ତଚରଣ ଜେନା, ସତ୍ୟାନନ୍ଦ ଲେଙ୍କା, ଚନ୍ଦ୍ରମଣି ଦାସ, ଈଶ୍ୱର ନାୟକ, ପ୍ରମୋଦ ନାୟକ, ବସନ୍ତ ପରିଡ଼ା, ଦିବାକର ରାୟ, ସସ୍ମିତା ବିଶ୍ୱାଳ, ମୀନାକ୍ଷୀ ଭୋଳ, ଗୋବର୍ଦ୍ଧନ ବିଶ୍ୱାଳ, ପ୍ରହଲ୍ଲାଦ ଜେନା, ପ୍ରମୋଦ ସାହୁ, ଚିନ୍ମୟୀ ଜେନା, ଲୋକନାଥ ରାଉତ ଏହି ଅବସରରେ ବିଜେଡିରେ ଯୋଗଦେଇଥିବା ବେଳେ ତାଙ୍କୁ ଦଳ ପକ୍ଷରୁ ସ୍ବାଗତ କରାଯାଇଥିଲା। ବିଜେଡିରେ ମିଶିବା ପରେ ସରପଞ୍ଚ ବିଶ୍ୱାଳ କୁହନ୍ତି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ମଳ ଭାବମୂର୍ତ୍ତି ଓ ମନ୍ତ୍ରୀ ରଘୁନନ୍ଦନ ଦାସଙ୍କ ଆଦର୍ଶ ଓ ବିଚାରଧାରାରେ ଅନୁପ୍ରାଣିତ ହୋଇ ସେ ବିଜେଡିରେ ଯୋଗଦେଇଛନ୍ତି। ଅନ୍ୟମାନଙ୍କ ମଧ୍ୟରେ ବଡଗାଁର ପୂର୍ବତନ ସମିତିସଭ୍ୟ ନବକିଶୋର ଜେନା, ପୂର୍ବତନ ସମିତିସଭ୍ୟ ହରତଶ୍ଚନ୍ଦ୍ର ଶତପଥୀ, ପ୍ରକାଶ ରାୟ, ନାଏବ ସରପଞ୍ଚ ବିଶ୍ୱନାଥ ଦାସ, ପୂର୍ବତନ ସରପଞ୍ଚ ହେମନ୍ତ ସେଠୀ, ସରୋଜ ମହାପାତ୍ର ପ୍ରମୁଖ ଉପସ୍ଥିତ ଥିଲେ।