ଭୁବନେଶ୍ୱର, ୧୦।୬(ବ୍ୟୁରୋ) : ୨୦୧୯ ସାଧାରଣ ନିର୍ବାଚନରେ ଭାଜପାର ପ୍ରଦର୍ଶନ କିପରି ଥିଲା ସେ ନେଇ ରବିବାର ଦଳୀୟ କାର୍ଯ୍ୟାଳୟଠାରେ ବିସ୍ତୃତ ଆଲୋଚନା ହୋଇଛି। ବୈଠକ ଶେଷରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ପୂର୍ବତନ ବିଧାୟିକା ରାଧାରାଣ୍ଡୀ ପଣ୍ଡା ଗୁରୁତର ଅଭିଯୋଗ ଆଣିଛନ୍ତି। ତାଙ୍କ ହାରିବା ପାଇଁ ଅନ୍ତର୍ଘାତୀ କାମ ହୋଇଥିବା ସେ ଅଭିଯୋଗ ଆଣିଛନ୍ତି। ତେବେ ଦଳର କିଏ ତାଙ୍କ ବିରୋଧରେ ଏଭଳି କାର୍ଯ୍ୟ କରିଛନ୍ତି ଏବଂ ସେ କାହାକୁ ଇଙ୍ଗିତ କରି ଦୋଷ ଦେଇଛନ୍ତି ତାହା ବର୍ତ୍ତମାନ ରାଜନୈତିକ ମହଲରେ ଚର୍ଚ୍ଚା ସୃଷ୍ଟି କରିଛି।
ରାଧାରାଣୀ କହିଛନ୍ତି ଯେ, ନିର୍ବାଚନ ସମ୍ପର୍କିତ ଫଳ ନେଇ ତର୍ଜମା ଚାଲିଛି। ତାଙ୍କର ହାରିବାର ତିନୋଟି ମୁଖ୍ୟ କାରଣ ରହିଛି। ଦ୍ଯଯ ଅନ୍ତର୍ଘାତୀ କାର୍ଯ୍ୟ ହେଲା। ବିଜେଡି ହାରିଯିବା ଭୟରେ ଥିଲା। ସେଥିଲାଗି ନେତାଙ୍କ ମଧ୍ୟରେ ଅଘୋଷିତ ମେଣ୍ଟ ହୋଇଥିଲା। ଗୋଟେ ପଦ୍ମ ଗୋଟେ ଶଙ୍ଖ ଭୋଟ ଦେବା ଲାଗି କେତେଜଣ କାର୍ଯ୍ୟ ଆରମ୍ଭ କରିଦେଲେ। ଯଦି ଅନ୍ତର୍ଘାତୀ କାର୍ଯ୍ୟ ହୋଇନି ତେବେ ତାଙ୍କୁ ଯେତେବେଳେ ୬୮ ହଜାର ଭୋଟ ମିଳିଲା ସେତେବେଳେ ଏମ୍ପି ପ୍ରାର୍ଥୀଙ୍କୁ କେମିତି ୨୨ ହଜାର ଅଧିକ ମିଳିଲା ବୋଲି ସେ ପ୍ରଶ୍ନ ଉଠାଇଛନ୍ତି। ଦୁର୍ବଳ କଂଗ୍ରେସ ପ୍ରାର୍ଥୀ ପାଇଁ ଭାଜପା ସେଠାରେ ହାରିଗଲା। ୨୦୧୪ ନିର୍ବାଚନରେ ସିପିଆଇ ଏକାକୀ ୭ ହଜାର ଭୋଟ ନେଇଥିଲା। ଏଥର କଂଗ୍ରେସ ଏବଂ ସିପିଆଇ ମଧ୍ୟରେ ମେଣ୍ଟ ହେବାସତ୍ତ୍ୱେ ସେମାନେ ମୋଟ ୯ହଜାର ଭୋଟ ପାଇଲେ। କଂଗ୍ରେସର ଭୋଟକୁ ବିଜେଡି ୫୦୦ଟଙ୍କା ଲେଖା ହିସାବରେ କିଣିଲା। ଏ ସମ୍ପର୍କରେ ଜାଣିପାରିଲୁ ନାହିଁ। ୧୮ରେ ଏ ବିଷୟରେ ଜାଣିବାକୁ ପାଇଲୁ। ପୋଲିସ୍, ପ୍ରଶାସନ, ଅର୍ଥ ଏବଂ ବାହୁବଳ ଲଗାଇ ବିଜେଡି ନିର୍ବାଚନ ଲଢିଲା।
