କୋଲକତା,୭।୧୦: ଦଶହରାରେ ପଶ୍ଚିମବଙ୍ଗରେ ଧୁମ୍ଧାମ୍ରେ କୁମାରୀ ପୂଜା କରାଯାଇଥାଏ। ଏହାର ଆରମ୍ଭ ସ୍ବାମୀ ବିବେକାନନ୍ଦ ବେଲୁର ମଠରେ ଆରମ୍ଭ କରିଥିଲେ। ଚଳିତ ବର୍ଷ ଇଞ୍ଜିନିୟର ତମଲ ଦତ୍ତଙ୍କ ପରିବାରରେ କୁମାରୀ ପୂଜାରେ ୪ ବର୍ଷ ବୟସ୍କା ମୁସଲମାନ ବାଳିକାଙ୍କୁ ପୂଜା କରାଯାଇ ସାମ୍ପ୍ରୟଦାୟିକ ସଦ୍ଭାବର ଏକ ନିଆରା ଉଦାହରଣ ସୃଷ୍ଟି କରାଯାଇଛି। ଉତ୍ତର ୨୪ ପ୍ରଗଣାର ଅର୍ଜୁନପୁରରେ ବାସ କରୁଥିବା ତମଲ ମହାଷ୍ଟମୀରେ ଏଭଳି କରିବାକୁ ଚିନ୍ତା କରିଥିଲେ। ଏଥିପାଇଁ ସେ ବନ୍ଧୁ ମହମ୍ମଦ ଇବ୍ରାହିମ୍ଙ୍କ ସହାୟତା ଲୋଡ଼ିଥିଲେ। ଇବ୍ରାହିମ୍ଙ୍କ ଭାଣିଜି ଫାତିମାଙ୍କୁ ଆଗ୍ରାରୁ ଅଣାଯାଇ କୁମାରୀ ପୂଜା କରାଯାଇଥିଲା। ଏବେ ଏହା ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।