କୋକସରା, ୩୧।୫(ଡି.ଏନ.ଏ.)
କଳାହାଣ୍ଡି ଜିଲା କୋକସରା ବ୍ଲକ ସନପୋଡ଼ାଗୁଡ଼ା ଗ୍ରାମର ମୋହନ ମେହେର ପରିବାର ପ୍ରତିପୋଷଣ ପାଇଁ ଗତ ୬ମାସ ତଳେ ବେଙ୍ଗାଲୁରୁକୁ ଦାଦନ ଖଟିବାକୁ ଯାଇଥିଲେ ା ସେଠାରେ ଏକ ଘରୋଇ କମ୍ପାନୀରେ ଶ୍ରମିକ ଭାବେ କାମ କରୁଥିଲେ। ଲକ୍ଡାଉନ୍ ଯୋଗୁ ସେ କାମ କରୁଥିବା କମ୍ପାନୀ ବନ୍ଦ ହୋଇଯାଇଛି ା ଏଥିଯୋଗୁ ସେ ଆର୍ଥିକ ସଙ୍କଟ ଭିତରେ ଗତି କରୁଛନ୍ତି ା ଘରକୁ ଟଙ୍କାଟିଏ ପଠାଇବା ତାଙ୍କ ପାଇଁ କାଠିକରପାଠ ହୋଇଛି ା ଏଣେ ନିଜେ ବି ଘରକୁ ଫେରିପାରୁ ନାହାନ୍ତି ା ଏ ପରିସ୍ଥିତିରେ ସ୍ତ୍ରୀ କସ୍ତୁରୀଙ୍କ ଉପରେ ପରିବାର ବୋଝ ପଡିଛି ା ୫ ପ୍ରାଣୀଙ୍କ ପାଇଁ ୩ ଓଳି ଖାଦ୍ୟ ଯୋଗାଡ଼ କରିବା ତାଙ୍କ ପକ୍ଷେ ସମ୍ଭବ ହୋଇପାରୁନି ା ସେଥିପାଇଁ ଭୋକିଲା ପେଟରେ ସମସ୍ତଙ୍କୁ ରହିବାକୁ ପଡୁଛି ବୋଲି ସେ କହିଛନ୍ତି ା
କଳାହାଣ୍ଡି ଜିଲା କୋକସରା ବ୍ଲକ ସାନପୋଡାଗୁଡା ଗ୍ରାମର ମୋହନ ମେହେର (୩୨)ା ତାଙ୍କ ପରିବାର କହିଲେ ସ୍ତ୍ରୀ କସ୍ତୁରୀ(୨୭), ୨ ପୁଅ ବିବେକ (୧୦), ଚନ୍ଦନ (୪), ୨ ଝିଅ ଲକ୍ଷ୍ମୀ ( ୭), ହିତ୍ରିକା (୩) । ଖାଦ୍ୟ ସୁରକ୍ଷା ଯୋଜନାରେ ଏହି ପରିବାର ପାଇଁ ରାଶନକାର୍ଡ ଖଣ୍ଡେ ମିଳିଛି ା ସେହି କାର୍ଡରେ ପ୍ରତିମାସରେ ୧୦ କେଜି ଚାଉଳ ମିଳେ ା ହେଲେ ସେହି ଚାଉଳ ୬ ପ୍ରାଣୀଙ୍କ ଆବଶ୍ୟକତା ପୂରଣ କରି ପାରେନାହିଁ ା ରାଶନ କାର୍ଡରେ ଏହି ଦମ୍ପତିଙ୍କ ବ୍ୟତୀତ ୪ ପୁଅ ଝିଅଙ୍କ ନାମ ନ ଥିବାରୁ ସେମାନଙ୍କ ଚାଉଳ ମିଳେନାହିଁ ବୋଲି କସ୍ତୁରୀ କହିଛନ୍ତି। ସେମାନଙ୍କ ନାମ ରାଶନ କାର୍ଡରେ ସଂଯୋଗ କରିବାପାଇଁ ପଞ୍ଚାୟତ କର୍ତ୍ତୃପକ୍ଷଙ୍କୁ ବାରମ୍ବାର ଦାବି କରୁଥିଲେ ମଧ୍ୟ କେହି ଶୁଣୁ ନ ଥିବା ଅଭିଯୋଗ ହେଉଛି । ଅନ୍ୟପକ୍ଷେ ସାନ ଝିଅ ହ୍ରିତିକା ଜନ୍ମରୁ ଦୃଷ୍ଟିଶକ୍ତି ହରାଇଛନ୍ତି ା ହେଲେ ତାଙ୍କୁ ଭିନ୍ନକ୍ଷମ ଭତ୍ତା ମିଳୁନି ା ଏହି ପରିପ୍ରେକ୍ଷୀରେ ପରିବାର ପ୍ରତିପୋଷଣ ପାଇଁ ମୋହନ ଗତ ୬ ମାସ ତଳେ ବେଙ୍ଗାଲୁରୁକୁ ଦାଦନ ଖଟିବା ପାଇଁ ଯାଇଥିଲେ ା କିଛିମାସ ଘରକୁ ଟଙ୍କା ପଠାଇଥିଲେ ା ଏବେ ସେ ଲକ୍ଡାଉନ୍ ଯୋଗୁ ହାତବାନ୍ଧି ବସିଛନ୍ତି ବୋଲି କସ୍ତୁରୀ କହିଛନ୍ତି ା ଏ ନେଇ କୋକସରା ବିଡିଓ ମନୀଷା ଦାସଙ୍କୁ ପଚାରିବାରୁ ଭିନ୍ନକ୍ଷମ ଝିଅ ପାଇଁ ଭତ୍ତା ଓ ୪ ଜଣଙ୍କ ନାମ ରାଶନ କାର୍ଡରେ ସଂଯୋଗ କରାଯିବ ବୋଲି କହିଛନ୍ତି ା