ଆଜିକାର ଫାଷ୍ଟ ଫୁଡ୍ ଭିତରେ ପିଜାର ଚାହିଦା ବହୁତ। ଯୁବପିଢିଙ୍କ ମଧ୍ୟରେ ଏହା ପାଇଁ କ୍ରେଜ୍ ଦେଖିବାକୁ ମିଳେ। ତେବେ ଅନେକେ ହୁଏତ ଜାଣି ନ ଥିବେ ଏମିତି ବି ପିଜା ଅଛି, ଯାହାର ଦାମ୍ ଏତେ ଯେ ତାକୁ କିଣି ଖାଇବା ଅସମ୍ଭବ ମନେ ହେବ। ଜାଣନ୍ତୁ ସେହି ସବୁ ପିଜା ସମ୍ପର୍କରେ…
ଲୁଇସ୍ xiii ପିଜା- ଏହି ପିଜା ଆଦୌ ସାଧାରଣ ପିଜା ନୁହେଁ। ଏହା ହେଉଛି ପୃଥିବୀର ସବୁଠାରୁ ଦାମୀ ପିଜା, ଯାହାର ମୂଲ୍ୟ ୧୨୦୦୦ ଡଲାର ବା ପ୍ରାୟ ୮, ୮୪, ୩୧୦ ଟଙ୍କା।
ଫାଭିତାସ୍ ଫ୍ୟାମିଲି ପିଜେରିଆ- ପିଜା ପାଇଁ ଫାଭିତା ଫ୍ୟାମିଲି ପିଜା ବହୁତ ପ୍ରସିଦ୍ଧ। ଏହି ପିଜାରେ ଟପିଂ ଆକାରରେ ଗୁଣ୍ଡ ହୀରା ପକାଯାଇଥାଏ। ତେଣୁ ଏହାର ମୂଲ୍ୟ ବହୁତ ଅଧିକ ଓ ହୀରାର ଦାମ ଅନୁସାରେ ପରିବର୍ତ୍ତନ ବି ହୋଇଥାଏ। ତେବେ ସାଧାରଣତଃ ଏହାର ମୂଲ୍ୟ ୮,୨୦୦ ଡଲାର।
ହାଗିସ୍ ପିଜା- ଏହି ପଜା ଜେମ୍ସ ବଣ୍ଡଙ୍କ ନାମାନୁସାରେ ୦୦୭ ଭାବେ ବି ପରିଚିତ। ଏଥିରେ ଟପିଂଭାବେ ଗୋଲ୍ଡ ଡଷ୍ଟ ଓ ସାମ୍ପେନ୍ରେ ବୁଡାଯାଇଥିବା ବଡ଼ ଚିଙ୍ଗୁଡି ପକାଯାଏ ଯାହା ପିଜାର ସ୍ବାଦ ବଢାଇଦିଏ। ଏହାର ମୂଲ୍ୟ ୪୨୦୦ ଡଲାର।
ମାର୍ଗୋସ୍ ପିଜେରିଆ- ୨୪ କ୍ୟାରେଟ୍ ଗୋଲ୍ଡ ଲିଫ୍ ସହ ବଫାଲୋମେଜେରେଲାର ଟପିଂ ଏହି ପିଜାର ସ୍ବାଦ ବଢାଇଦିଏ। ଏହାର ମୂଲ୍ୟ ୨୪୦୦ ଡଲାର। ୨୦୧୦ରେ ଏହା ଗିନିଜ୍ ଓ୍ବାର୍ଲଡ ରେକର୍ଡସ୍ରେ ସବୁଠୁ ଦାମୀ କମର୍ସିଆଲୀ ଉପଲବ୍ଧ ପିଜା ଭାବେ ରେକର୍ଡ କରିଥିଲା।
ନିନୋ ବେଲିସିମା ପିଜା- ଏହି ପିଜାର କ୍ରଷ୍ଟ ବା ବେସ୍ ପତଳା, ତେଣୁ ଲୋକେ ବହୁତ ପସନ୍ଦ କରନ୍ତି। ବଡ଼ ଚିଙ୍ଗୁଡି ଓ ଶାମୁକାର ଟପିଂ ବହୁତ ସ୍ବାଦିଷ୍ଟ। ଏହାର ମୂଲ୍ୟ ୧୦୦୦ ଡଲାର।
ସି୬ ଷ୍ଟିଭେଷ୍ଟନ୍ ପିଜା- ଏହାର ବେସ୍ ଛୋଟ। ଏହାର ଲୁକ୍ ଓ ଟେଷ୍ଟ ଉଭୟ ବହୁତ ଭଲ। ଟପିଂ ଭାବେ ଏଥିରେ ଟାଇଗର୍ ପ୍ରନ୍, ଲବଷ୍ଟର, ସ୍ମୋକ୍ଡ ସାଲମନ୍ ପଡିଥାଏ। ଏହାର ମୂଲ୍ୟ ୪୫୦ ଡଲାର।
ଟ୍ରିପଲ୍ ମିଲେଫିଉଲି ପିଜା- ଏହି ପିଜାର ବେସ୍ ଟିକେ ଟାଣ ଓ ସାଇଡ୍ ରୋଲ୍ ହୋଇଥାଏ। ତାସହ ଏହା ତିନୋଟି ଲେୟର୍ ବିଶିଷ୍ଟ ହୋଇଥାଏ। ଏଥିରେ ଚିଜ୍ର ଡବଲ୍ ଫିଲିଂ ଥିବାରୁ ଏହା ଭାରି ହୋଇଥାଏ। ସ୍ବାଦ ବି ଏହାର ବହୁତ ଭଲ। ଏହାର ମୂଲ୍ୟ ୧୪୦ ଡଲାର।
ଦ ଆଷ୍ଟିସ୍ ଇ ଟର୍ଟୁଫୋ ପିଜା- ଦୁବାଇ କେବଳ ପର୍ଯ୍ୟଟନ ପାଇଁ ପ୍ରସିଦ୍ଧ ନୁହେଁ, ଏହା ସ୍ବାଦିଷ୍ଟ ଖାଦ୍ୟ ପାଇଁ ବି ପ୍ରସିଦ୍ଧ। ଏଠାକାର ପିଜା ବି ବହୁତ ଲୋକପ୍ରିୟ। ଏଥିରେ ଲବଷ୍ଟର ଓ ଟ୍ରଫଲ୍(ଏକ ପ୍ରକାର ଫଙ୍ଗସ୍)ର ଟପିଂ ସହ କିଛି ଖାସ୍ ସାମଗ୍ରୀ ବ୍ୟବହାର ହୋଇଥାଏ। ତେଣୁ ଏହାର ସ୍ବାଦ କିଛି ଭିନ୍ନ। ଏହାର ମୂଲ୍ୟ ୧୨୫ ଡଲାର।
ଦ ମ୍ୟାଜିକ୍ ଗୋଲ୍ଡ ପିଜା- ଟୋରେଣ୍ଟୋର ଏକ ରେଷ୍ଟୁରାଣ୍ଟରେ ମିଳିଥାଏ ଏହି ପିଜା। ଏହାର ସ୍ବାଦ ଯେମିତି ଭିନ୍ନ ଏହାର ସର୍ଭିଂ ଷ୍ଟାଇଲ୍ ବି ଭିନ୍ନ ଓ ଖାସ୍। ଏହାକୁ ଗୋଲ୍ଡ ଲିଫ୍ରେ ଗାନିସ୍ କରାଯାଇ ସର୍ଭ କରାଯାଏ। ଏହି ରେଷ୍ଟୁରାଣ୍ଟରେ ଆପଣ ନିଜର ପସନ୍ଦ ମୁତାବକ ଟପିଂ ବି ବରାଦ କରିପାରିବେ। ଉକ୍ତ ପିଜାର ମୂଲ୍ୟ ୧୦୮ ଡଲାର।
କୋବ୍ ବିଫ୍ ଷ୍ଟିକ୍ ପିଜା- ଜାପାନରେ ଏହି ପିଜା ବହୁତ ଲୋକପ୍ରିୟ। ୭୨ ଡଲାରର ଏହି ପିଜାରେ ଟପିଂ ବିଭିନ୍ନ ପ୍ରକାରର ଥାଏ ଓ ବେଶ୍ ସ୍ବାଦିଷ୍ଟ ବି।