ଦାରିଙ୍ଗବାଡ଼ି,୧୪।୩(ଡି.ଏନ.ଏ)
କନ୍ଧମାଳ ଜିଲା ଦାରିଙ୍ଗବାଡ଼ି ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଜଣେ ସନ୍ଦିଗ୍ଧ କରୋନା ଆକ୍ରାନ୍ତ ଯୁବତୀଙ୍କୁ ଶୁକ୍ରବାର ଚିକିତ୍ସା କରାଯାଇଛି। ଯୁବତୀ ଜଣକ ତାମିଲନାଡୁରୁ ଫେରିବା ପରେ ତାଙ୍କୁ ଥଣ୍ଡା ଓ କାଶ ହୋଇଥିଲା। ଶନିବାର ସେ ଦାରିଙ୍ଗବାଡି ଗୋଷ୍ଠୀ ସ୍ବାସ୍ଥ୍ୟନ୍ଦ୍ରେରେ ପହଞ୍ଚତ୍ଥିଲେ। ଡାକ୍ତର ସମୀର ନାୟକ ଚିକିତ୍ସା ପରି ତାଙ୍କୁ ଫୁଲବାଣୀ ଜିଲା ମୁଖ୍ୟ ଚିକିତ୍ସାଳୟ ଯିବାକୁ ପରାମର୍ଶ ଦେଇଥିଲେ। ତେବେ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଇନ୍ଚାର୍ଜ ବଂଶିଧର ପାତ୍ର ସେଭଳି କିଛି କରୋନାର ଲକ୍ଷଣ ନାହିଁ ଏଣୁ ତାଙ୍କୁ ପରବର୍ତ୍ତି ସମୟରେ ଘରକୁ ଯିବାକୁ ପରାମର୍ଶ ଦେଇଥିଲେ। ଯୁବତୀ ଜଣକ ତାମିଲନାଡୁରେ ଏକ କମ୍ପାନୀରେ ସିଲେଇ କାମ କରୁଥିବାବେଳେ ଅସୁସ୍ଥତା ଅନୁଭବ କରିଥିଲେ। ବିଭିନ୍ନ ଗଣମାଧ୍ୟମରେ କରୋନା ସମ୍ପର୍କୀତ ଖବର ଦେଖି ଭୟଭୀତ ହୋଇ ଗଁାକୁ ଚାଲିଆସିଥିଲେ। ସନ୍ଦେହ ହେବାରୁ ଚିକିତ୍ସା ପାଇଁ ଆସିଥିବା ଡାକ୍ତର ପାତ୍ର ଗଣମାଧ୍ୟମ ପ୍ରତିନିଧିଙ୍କୁ ସୂଚନା ଦେଇଛନ୍ତି। ସେ କହିଛନ୍ତି ଯେ, ଯୁବତୀ ଜଣକ ଅଧିକା ଅସୁସ୍ଥତା ଅନୁଭବ କଲେ ତାଙ୍କୁ ଫୁଲବାଣୀ ଯିବାକୁ ପରାମର୍ଶ ଦିଆଯାଇଛି। ମାତ୍ର ସେ ଏବେ ସୁସ୍ଥ ଥିବା ଡାକ୍ତର କହିଛନ୍ତି। ପ୍ରକାଶ ଯେ, ଯୁବତୀ ଜଣକ ଘର ଉକ୍ତ ବ୍ଲକ ପର୍ତ୍ତମାହା ପଞ୍ଚାୟତର ଏକ ଦୁର୍ଗମ ଗ୍ରାମରେ। ସେ ତାମିଲନାଡୁର ତ୍ରିପୁର ଅଞ୍ଚଳରେ ରହି କାମ କରୁଥିବାବେଳେ ଦାରିଙ୍ଗବାଡ଼ି ଅଞ୍ଚଳର ଆହୁରି ଶତାଧିକ ଯୁବତୀ ଯୁବକ ସେଠାରେ କାମ କରୁଛନ୍ତି ବୋଲି କହିଛନ୍ତି।
ରୋଗୀଙ୍କୁ ମିଳୁନି ମାସ୍କ
କରୋନା ପାଇଁ ସ୍ବାସ୍ଥ୍ୟକେନ୍ଦ୍ର ପରିସର ମଧ୍ୟରେ ଡାକବାଜି ଯନ୍ତ୍ର ମାଧ୍ୟମରେ ଜନସଚେତନ କରାଯାଉଥିବାବେଳେ ମାସ୍କର ଅଭାବ ଦେଖିବାକୁ ମିଳିଛି। ଡାକ୍ତର, କର୍ମଚାରୀ ମାନେ ମାସ୍କ ବ୍ୟବହାର କରୁଥିବାବେଳେ ରୋଗୀଙ୍କ ପାଇଁ ମିଳୁନି। ସ୍ବାସ୍ଥ୍ୟକେନ୍ଦ୍ର ସମେତ ବଜାରରେ ରହିଥିବା ଘରୋଇ ମେଡିସିନ ଷ୍ଟୋର ଗୁଡ଼ିକରେ ମଧ୍ୟ ମାସ୍କର ଅଭାବ ଦେଖିବାକୁ ମିଳିଛି। ଗୋଟିଏପଟେ ମାସ୍କ ବ୍ୟବହାର ପାଇଁ ଜନସଚେତନ କରାଯାଉଥିବା ବେଳେ ଅନ୍ୟପକ୍ଷରେ ଦାରିଙ୍ଗବାଡ଼ିରେ ବିଭିନ୍ନ ରୋଗୀ ଏବଂ ପ୍ରସୁତୀ, ଗର୍ଭବତୀଙ୍କ ପାଇଁ ମାସ୍କ ଅଭାବ ଦେଖାଯାଇଛି। ଏନେଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଇନ୍ଚାର୍ଜ ଡାକ୍ତର ବଂଶୀଧର ପାତ୍ର କହିଛନ୍ତି ଯେ, ରୋଗୀ କଲ୍ୟାଣ ସମିତି ବୈଠକ କରି ଅନୁଦାନ ଖର୍ଚ୍ଚ କରି ମାସ୍କ କିଣିବେ ବୋଲି କହିଛନ୍ତି।