ଅଧିକାଂଶ ଲୋକଙ୍କଠାରେ ଅଣ୍ଟା ଦରଜ ସମସ୍ୟା ଦେଖାଦେଇଥାଏ। ଏଥିରୁ ମୁକ୍ତି ପାଇବା ପାଇଁ ଅଷ୍ଟ୍ରେଲିଆର ସ୍ବାସ୍ଥ୍ୟ ବିଶେଷଜ୍ଞମାନେ ଦିଆସିଲି ଆକାରର ଏକ ଡିଭାଇସ୍ ବାହାର କରିଛନ୍ତି, ଯାହା ଅଣ୍ଟା ଦରଜ କମାଇବା ସହ କ୍ଷତିଗ୍ରସ୍ତ ମାଂସପେଶୀର ସହଜରେ ଚିକିତ୍ସା କରି ପାରିବ। ଏହି ଡିଭାଇସ୍କୁ ରିମୋଟ୍ରେ କଣ୍ଟ୍ରୋଲ କରାଯିବ। ଏହା ସାହାଯ୍ୟରେ ଧୀରେ ଧୀରେ କ୍ଷତିଗ୍ରସ୍ତ ମାଂସପେଶୀରେ ସୁଧାର ଆସିବା ସହ ଅଣ୍ଟା ଦରଜ କମାଇବାରେ ପ୍ରମୁଖ ଭୂମିକା ଗ୍ରହଣ କରିବ। ଇଂଲଣ୍ଡର ଏକ ହସ୍ପିଟାଲରେ ପରୀକ୍ଷାମୂଳକ ଭାବେ ଏହି ଡିଭାଇସ୍ର ବ୍ୟବହାର କରାଯାଇଛି। ଏହି ଡିଭାଇସ୍କୁ ପିଠିର ତଳ ଭାଗରେ ଟିକେ କାଟି ଦିଆଯାଇ ଏହାକୁ ଲଗାଯିବ। ଏହା ଲଗାଇବା ପାଇଁ ପ୍ରାୟ ୧ ଘଣ୍ଟା ସମୟ ଲାଗିବ। ଏଥିରେ ବ୍ୟାଟେରୀ ଏବଂ ଇଲୋକ୍ଟ୍ରୋଡ୍ ଲାଗିଛି। କ୍ଷତିଗ୍ରସ୍ତ ନର୍ଭରେ ଏହା ଯୋଡ଼ାଯିବ। ରିମୋଟ୍ ସହାୟତାରେ ଗୋଟିଏ ଦିନରେ ୩୦ ମିନିଟ୍ ପର୍ଯ୍ୟନ୍ତ ନର୍ଭକୁ ଆକ୍ଟିଭ ରଖାଯାଇପାରିବ। ପ୍ରତିଦିନ ଏପରି କରିବା ଦ୍ୱାରା ଅଣ୍ଟା ଦରଜ କମିବା ସହ ମାଂସପେଶୀ ମଜଭୁତ ହେବ।
