ରାଜକୁମାର ରାଓ ବା ରାଜକୁମାର ଯାଦବ ହେଉଛନ୍ତି ବଲିଉଡ୍ ହିନ୍ଦୀ ଫିଲ୍ମ ଇଣ୍ଡଷ୍ଟ୍ରିର ଜଣେ ସଫଳ କଳାକାର। ୨୦୧୦ରେ ‘ଲଭ ସେକ୍ସ ଔର ଧୋକା’ ଫିଲ୍ମ ଜରିଆରେ ସିନେ ଜଗତରେ ପାଦ ଦେଇଥିଲେ। ୨୦୧୩ ମସିହାର ‘କାଇ ପୋ ଚେ’ ଫିଲ୍ମ ପାଇଁ ରାଜକୁମାର ସଫଳତା ଅର୍ଜନ କରିଥିଲେ। ସେହି ଫିଲ୍ମ ପାଇଁ ମଧ୍ୟ ସେ ଫିଲ୍ମଫେୟାର ଆୱାର୍ଡରେ ପୁରସ୍କୃତ ହୋଇଥିଲେ। ସେ ହରିୟାଣାର ଗୁରୁଗ୍ରାମଠାରେ ଏକ ଗରିବ ପରିବାରରେ ଜନ୍ମଗ୍ରହଣ କରିଥିଲେ। ଫିଲ୍ମ ଇଣ୍ଡଷ୍ଟ୍ରିକୁ ଆସିବା ତାଙ୍କ ପାଇଁ ସେତେଟା ସହଜ ନ ଥିଲା। ମାୟାନଗରୀ ମୁମ୍ବାଇକୁ ଆସିବାକୁ ତାଙ୍କୁ ସଂଘର୍ଷ କରିବାକୁ ପଡିଥିଲା। ପ୍ରଥମେ କୌଣସି ଜାଗାରେ ତାଙ୍କୁ କାମ ମିଳୁ ନ ଥିଲା। ପାଖରେ ଟଙ୍କା ନ ଥିବାରୁ ସେ ତାଙ୍କ ସାଙ୍ଗଙ୍କଠାରୁ ଖାଦ୍ୟ ମାଗିକି ଖାଉଥିଲେ। ୨୦୦୮ରେ ସେ ଥିଏଟର ଡ୍ରାମା ଆରମ୍ଭ କରିଥିଲେ। ଫିଲ୍ମ ଆଣ୍ଡ ଟେଲିଭିଜନ ଇନଷ୍ଟିଚ୍ୟୁଟ ଅଫ ଇଣ୍ଡିଆରୁ ସେ ଅଭିନୟ ଶିକ୍ଷାଗ୍ରହଣ କରିଥିଲେ। ସ୍ତ୍ରୀ, କୁଇନ, ସିଟିଲାଇଟ, ବରେଲୀ କୀ ବର୍ଫି ଓ ନ୍ୟୁଟନ ଭଳି ଅନେକ ହିଟ ସିନେମା କରିସାରିିଛନ୍ତି। ସେ ଫିଲ୍ମ ଫେୟାର କ୍ରିଟିକ ଫର ବେଷ୍ଟ ଆକ୍ଟର ଓ ନ୍ୟାଶନାଲ ପିଲ୍ମ ଆୱାର୍ଡ ଫର ବେଷ୍ଟ ଆକ୍ଟରରେ ମଧ୍ୟ ସମ୍ମାନିତ ହୋଇଛନ୍ତି।
