ଲଡର୍ସ,୩୦।୬- ଏଠାରେ ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ବିଶ୍ୱକପ୍ ମ୍ୟାଚ୍ରେ ନ୍ୟୁଜିଲାଣ୍ଡ ପ୍ରଥମ ପରାଜୟ ବରଣ କରିଛି। ଏହି ମ୍ୟାଚ୍ରେ ନ୍ୟୁଜିଲାଣ୍ଡ ଅଧିନାୟକ କେନ ଓ୍ବିଲିୟମସନ ୫୧ ବଲରୁ ୪୦ ରନ୍ କରିଥିଲେ। ଏହି ଅବସରରେ ସେ ଦିନିକିଆ କ୍ରିକେଟରେ ୬ ହଜାର ରନ୍ ପୂରଣ କରିଛନ୍ତି। ଓ୍ବିଲିୟମସନ ୩ୟ ଦ୍ରୁତତମ ବ୍ୟାଟ୍ସମ୍ୟାନ ଭାବେ ଏହି ମାଇଲଷ୍ଟୋନ ଛୁଇଁଛନ୍ତି। ସେ ୧୩୯ତମ ଦିନିକିଆ ଇନିଂସ୍ରେ ଏହି ସଫଳତା ପାଇଛନ୍ତି। ଦିନିକିଆ କ୍ରିକେଟରେ ୬ ହଜାର ରନ୍ ପୂରଣ କରିବାରେ ଦକ୍ଷିଣ ଆଫ୍ରିକାର ହାସିମ ଅମ୍ଲ (୧୨୩ତମ ଇନିଂସ) ଦ୍ରୁତତମ ବ୍ୟାଟ୍ସମ୍ୟାନ। ତାଙ୍କ ପଛକୁ ଭାରତୀୟ ଅଧିନାୟକ ବିରାଟ କୋହଲି (୧୩୬ତମ) ରହିଛନ୍ତି।
